قصيدة : معايا فى كل وقت . مسابقة الشعر العامي . بقلم / مصطفى محمد يوسف محمد

التصنيف: شعر عامّي
الاسم: مصطفى محمد يوسف محمد
اسم الشهرة: مصطفى التركي
البلد: مصر
المنشأ/العنوان: المنيا
رقم الهاتف والواتس: ٠١١٤٤٠١٦٤٩٠
رابط الفيس بوك:
https://www.facebook.com/mostafa.eltorky.50767?mibextid=ZbWKwL

(معايا ف كل وقت)

يا مين يشوفني لما افكّر فيكي؛
أنا بابقى ورقة
تايهة وسط الريح
إن حد كلِّمني
الورقة تنزل تترمي ع الأرض…
أنا بابقى شاي في مَيّة باردة
ان حد كلِّمني
المَيّة تسخن يبقى لونها احمر…
أنا بابقى مِنِّك،
شعرة طايرة،
رمش واقع،
ضفر متلوّن،
بسمة.. أو نسمة زفيرِك
لو تهمسي لي
يبقى كتّر خيرِك
جوايا كلمة لو أقولها
تبقى جملة استفهامية
ماتلاقيش ليها ردود
نبقى جوا المسرحية
يستوي التفاح في خَدِّك
ينفجر صدري ورود…