بص الشوق..قصيدة للشاعر / الأمير أباظة

——————-
بص الشوق عليكي وقال
فيا وفيكي كام موال
قام وصاني عليكي وقاللي
راعي حبيبتك ايوه تمللي
خدها ف حضنك
همسه بلمسه
خللي النبض يحس ببعضه
طيفها وطيفك شافوا الدنيا
ورد وفل وروح وريحان
ياما ناديتك واترجيتك
وانت تداري غرامي ف قلبك
خفت يجي يوم وتفوتني
ويا غرامي ف شوق وهيام
خفت اللعنة تمس ف نبضي
يجي شيطانها يرد الباب
وشوق وعتاب
ونظرة بريئة
ولمسة جريئة
بترجعني لأحلي ليالي
شوق وحنين
تصحي دموع الحب ف قلبي
دموع وانين
وانا من همي ومن حرماني
ارجع اقول باحبك تاني