قصيدة : مسيرها ترزق . للشاعرة / شوقية كامل

مسيرها تروق

………………

لما شفتك بعد غيبة

قلبى حس بحزن قلبك

أتوجعت كتير عشانك

وأتمليت م الخوف عليكى

وأرتوت حروف سطورى من دموعك

اه يا روحى لو فى بوحى

شىء يداوى جرح قلبك

كنت أقول ف البوح كلام

مش ها أقوله لحد غيرك

بس أقول ايه غير يجازى

اللى خلى الدمع ف عنيكى يسيل

دعوتى ليكى تعدى

محنتك وانتى قوية

أطلبينى هاتلاقينى

جنب منك

دا أنتى روحى ونبض قلبى

وايام كتير عدت وانا بحلم معاكى

واثبتى انك قدها

واتملى مكان وجودك

عزة وكرامة

أوعى تنسى

ان لسه الحب باقى

واللى لسه بعيد ها يرجع

واللى عقله غاب يفوق

صدقينى يا حبيبتى

لما أقولك

مسيرها تروق

………. …

شوقيه كامل

المنيا