الرئيسية » الشعر والأدب » أقولكِ إيه …..بقلم / كرم شحات

أقولكِ إيه …..بقلم / كرم شحات

لوجو 2

أقولكِ إيه وانا عاجز
ألاقى كلام يوفيكى
ويشرح أو يقربلك
شعور قلبى اللى صار ليكى
يابكرا اللى إنتظرته وبان
يعدى العمر مش فارق
مادام ياحبيبتى ف الإمكان
يعدى بدون ما نتفارق

أقولك إيه وإيه ممكن يوفيكى
ويكفيكى يا أجمل أمر
حصل فى الدنيا دى بحالها
يا اكتر حاجة ليا تسُر
حياتى دنيتى قلبى
وغيرك لأ مفيش غالى
ما قبلك عشت مستنى
بَصْبر نفسى على حالى

يا كل الكون أقولك إيه
يا أملى اللى إتولدت أنا بيه
وبكرا وكل أيامى
هاعيش أحلم وافكر فيه
يا أندر زهر ف البساتين
يافرشة العمر كله ربيع
ياديماً ساكنة جوى العين
ف حُضنك كل هم يضيع

# كيمو #

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *