ط
الشعر والأدب

وشوش ياود يلا الودع…للشاعر / صبرى العيسوى

صبرى العيسوى
وشوش ياود يلا الودع…

أحكى وقول
له كل شيء…
اوعى تخبى
عنه حاجه…
أحكى وخليك
واد جريء…
أشكيله عن
همك وأحزانك..
وأسأل وقول
فين الطرق…
يمكن تلاقى
ياجدع…
عنده الدوا من
كل شيء…
أوعى تخاف
أو تنقهر
ماهو بكره
راح يطلعله
نور
بعد الظلام
بعد الضنا
القمره فى
سمانا تدور
وتشرق الشمس
الجميلة
من جديد
وبكره راح
يجيب معاه
يجى ألف
عيد
أوعاك تخاف
أوتنقهر
واوعى كمان
كده تنكسر
شمر دراعك
وأشتغل
وأبنى قصورك
بالامل
وكل شيء
كده محتمل
بس أبتدى
تانى الحياه
وكل شيء
ضاع ياجدع
لابد نوصل
منتاهاه
ثبت ياواد
كده خطوتك
وأملك قلوب
بمحبتك
بلدك دى لو
ترعاها يوم
تلاقيها على
طول حبتك
أفتحلها يلا
البيبان
وعالى يلا
فى الاذان
وعالى صوت
حتى الحرس
علشان يعود
تانى الامان
مابين دراعك
ضُمها
وأرسم عالمها
بألف لون
وهوا ايه
هيهمها
على شعبها
خليك حنون
أبنيلها صور
ويكون متين
ولايوم ليها
كمان نخون
وأدعيلها واحنا
نقول امين
ده احنا فى
حماها وظلها
متنعمين متكرمين
وأسودنا حامين
عرضها
مين ذيهم
فى القوه
مين
يحمو سماها
وأرضها
وبفضل ربك
منصورين
ده الشعب
راح قال كلمته
كتب كمان
كل الحروف
وكات كمان
كده غنوته
أن احنا نمحى
اى خوف
يابلدنا قومى
وأفرحى
الليل خلاص
ولا وفات
وياشمس أوعى
تروحى
لسه معاكى
كتير حاجات
هنبتدى تانى
من جديد
وبكره جاى
كمان سعيد
واى حد
هيلمسك
هيكون مكانه
فى الحديد
يادى الولد
ياأبن البلد
خليك صبور
وكمان وتد
واوعى الظروف
كده تغلبك
وأطلب من
الله المدد

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى