الرئيسية » الشعر والأدب » إوعى تقــول.زقصيدة للشاعر العقيد / محمد هيكل

إوعى تقــول.زقصيدة للشاعر العقيد / محمد هيكل

محمد هيكل
إوعى تقــول انـا جرحي كبير … و تـروح تشــكي لـحـد

أصـل الدنيــــا دي فيهـا كتيـر … نـاس مجــروحـة بـجـد
نـاس موجوعة و نـاس مبليَّـه
و نـاس محـرومة من الحنيَّـه
و نـاس لو فرحت بس شويَّـه … تلقى الشـــوك فى الورد
إوعى تقــول انـا جرحي كبير … و تـروح تشــكي لـحـد
.

ياللي مفـكَّــر جـرحـك أكبــر … بـص لـ جـــرح الـنـــاس
و احمــد ربـَّـــك ع المتـقــدَّر … والمقســــــوم فى الكاس
ياما وشوش راسمين غناويهم
بـس الحـــزن معـشش فيهـم …….. و مـبَـكِّـي الاحساس
نـاس موجوعة و نـاس مبليَّـه
و نـاس محـرومة من الحنيَّـه
و نـاس لو فرحت بس شويَّـه … تلقى الشـــوك فى الورد
إوعى تقــول انـا جرحي كبير … و تـروح تشــكي لـحـد
.

إوعى تلوم على حد فجرحك … مهمـا فـاتـوك وحــديـك
هيه ايديك اللى هتمسحلك ……. أى دمــــوع فـ عنيــــك
هيه كده الدنيـــا و عمايلهــا
مهمـا تزيـد عِـند استحملهـا … بكــره فـ يــوم تـرضيــك
نـاس موجوعة و نـاس مبليَّـه
و نـاس محـرومة من الحنيَّـه
و نـاس لو فرحت بس شويَّـه … تلقى الشـــوك فى الورد
إوعى تقــول انـا جرحي كبير … و تـروح تشــكي لـحـد
أصـل الدنيــــا دي فيهـا كتيـر … نـاس مجــروحـة بـجـد

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *