بلاش غيرة
**********
على ايه بتلومي اللى اختارك
واستحمل……… ظلمك ومرارك
وانتى اللى بإيدك………. حيرتى
العقل …….. بضحكك وهزارك
مع ناس…… كان قلبه بيرفضها
وبيرفض……. يلمس يوم ايدها
او حتى يصدق …. .مواعيدها
ومأمن ………… قلبك ودلالك
على قلبه …..المخلص لعيونك
وحلف لك…….. إنه ما هيخونك
ليه سبتى…… مشاعرك لظنونك
واخترتى الليل…….يسكن دارك
على ايه بتلومى… دموع عينى
وعيونك…. مش راضية تجينى
والعمر ……..الغالى…. وسنينى
ضاعت ….. من قسوة اصرارك
على غيرة…….. بترسم تكشيره
وبتقطف……….حُسنك وجمالك
وبترمى……….. عيونك بالحيرة
فبتعمى ….مشاعرك….. وقرارك
ليه تطفى…………شمعة قنديلك
وتنادى……….. ع الحزن يجيلك
وتصُرى …… الدمع ف منديلك
وتخصمى……… شمسك ونهارك
************************
رضا أبوالغيط
