مقالات بقلم القراء

شايل حمول الدنيا :- ( قصة واقعية )بقلم /شيماء ربيع

( قصة حقيقية )
شيماء ربيع
القصة دي قصة حقيقية بجد مش مجرد مقال بكتبه اليوم لا هي قصة حقيقية من الواقع انا صادفتها بنفسي فعلا وحبيت أسرد تفاصيلها لحضراتكم
في شخص شايل حمول جبال ورغم كده حاسس بشخص معين في حياته
بيحط نفسه دايما مكان الشخص ده
بيلتمسله الأعذار بيأزره في شدته
بجواره في كل شئ
لما يبقى في شخص عنده هم الدنيا والأخرة ورغم كده شايل هم شخص معين في حياته يبقي دا معناه ايه
معناه انه حب بجد وأخلص في حبه بجد هو ده الحب الحقيقي فعلا
ومش طالب حاجة خالص من الشخص اللي هو مهتم بيه غير انه يفضل بجواره كل همه في الدنيا بقاء الشخص ده في حياته وما فيش حاجة تفرق بينهم أبداوبيقول يانعيش مع بعض يانموت أحنا الأثنين وعاوز وعد يكونوا مع بعض في الحالتين…
هو ده اللي تفضل جنبه وتدافع عنه بروحك مهو هو اللي ليك بجد
موجوع لوجعك حزين لحزنك فرحان لفرحك
بينسي الامه وأحزانه أوقات كتير علشان يرضيك ويسعدك وما يحسسكش بأي حاجة
ممكن يخبي عنك وجعه وألمه علشان ما يألمكش ويوجعك لوجعه
ياااااااه شايل كتير أوي ورغم كده واقف جنبك ومعاك وفي ظهرك
لانه جدع لانه صاحب صاحبه لانه اتربى على الجدعنة والاصول والشهامه والاخلاق
اتربى على حب الخير للجميع
اتربى على التسامح
اتربى علي طيبه القلب طيب جدا لدرجة انك ممكن تفتكره ساذج
لكن العكس صحيح برغم طيبته دي هو أذكى الناس
لماح لدرجة لن تتخيلها مغامر جدا حكيم في قرارته
مذبذب في بعض الاحيان
بس سرعان ما يرجع للقرار الصائب
عنده حاسة حلوة من عند ربنا
ربنا معاه وجنبه لانه فعلا انقى البشر
اطيب البشر
أعظم البشر
شايل حمل جبال
المفروض ينطوي على نفسه
يخليه في همه وما لهوش دعوة بغيره
لكن بالعكس حمول وصبور
مع الغير في مشاكلهم
طيب لأبعد الحدود
مهما حكتلكو القصة دي انا بالفعل عيشت مع الشخص ده بجد
شوفت الشخص ده بيعمل ايه علشان حد معين هو عنده أغلى الناس وبيعمل ده مع ناس كثير…
كل أمنيته في الحياة يشوف الشخص ده من احسن الناس
بيحب الشخص ده أكتر من نفسه
بيفكر في الشخص ده قبل ما يفكر في بيته ونفسه
بيتشغل بهموم الشخص ده وتارك همومه الي ان يأذن المولي في أمره
ممكن يفضل مشاوير معينة للشخص ده عن مشاويره الخاصة
حنين لأبعد الحدود
محب للخير ولعمل الخير لابعد الحدود
بيسامح لدرجة غير عادية
والله الشخص ده فعلا في مصيبة بجد
مصيبة فعلا سببتله صدمة بجد
ورغم كده متحامل على نفسه علشان الشخص الاخر
بيحاول يصمد أقدامه وهو جواه وجع الدنيا والاخره
أتجرح من ناس كتير واتصدم فيهم
ورغم كده لسه بيأمن
واحد زيه ما يبقاش عنده ثقة في مخلوق بعد كل التجارب اللي مر بيها
ورغم ذلك هو زي ما هو مع اي شخص يتعامل معاه بطيبه وذوق الي ان يثبت العكس
ارجو من الجميع بعد قرأت القصة دي الدعاء للشخص ده في ظهر الغيب
بفك كربه وتيسير اموره ورجوع حقه
ويعينه ربنا على الهم الكبير اللي شايله
ويحفظه ويحفظ أولاده وينوله ألي في باله… ويعينه ويصبره على ما بلاه….
الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق