الشعر والأدب

فكرت يوم .. قصيدة للشاعر / مبروك علوة


☆( فكرت يوم )☆

فكرت يوم…..؟

أما يجي وقت الرحيل
من غير سفر وتأشيرات
لما تلاقي سنين العمر
مرت عليك زي ساعات

وأولادك يتقسموا مالك
بثواني بعد الممات
وتلاقي نفسك جوا قبر
وانت وحدك ف الظلمات

وإنك جالس بين ملكين
ويسألوك ع الصلوات
واما يسئل شخص عنك
ويقولوله الناس دا مات

وصوتك اللي هز الحجر
ينقلب صمت وسكات
ولما بعد الفرح فجأه
يبقى حزن صريخ وصوات

وإن الضحكه الجميله
يملاها بكاء واهات
وسيرتك تصبح ماضي
وتبقي وقت عدى وفات

واما تعدى علي الصراط
بتدور على أي ثبات
وتلاقي كل انسان ظلمته
ياخد منك حسنات

وأما حسناتك تخلص منك
يرمي عليك من السيئات
وربك يسألك ليه عصيتني
ومعندكش اي مبررات

☆☆☆☆☆☆☆☆☆☆؛
مبروك علوه

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق