مسابقة الشعر العامى

ما تستهليش .مسابقة الشعر العامى بقلم/ محمود محمد حسن فرج

محمود محمد حسن فرج
الشهرة محمود فرج
شعرعامى
البلد مصر
محافظة دمياط
الفون وواتس ٠١٠٠٢٥٨٥٧٠٢
اسم القصيدة

ما تستهليش
تكوني إنتي جوّايا
ولا فرحة ولا حكاية
ولا حتى كلمتين حلوين
في ذكرى حُلوة ويايا
ماتستهليش

ليه فجأة بقى حبي ليكِ شوك
بشك فيكي بالقوةِ ما تتلويش
ليه بتتلوي
فاكرة بتجملي الصورةَ
وحاسّة نفسكِ بتحلوّي
دي غلطة قلبي اللي دابَ فيك
لا حولَ لي ولا قوةً
ما تستهليش

تعالي نعيدُ حساباتنا
قفلتي بينّا بزجاجٍ
ما يسمعّكيش
بنيتي بينّا كم حاجزْ
وقلتي حضرتُكَ يا أُستاذَ
وأكلمك وما ترديش

جمعتُ الدمعَ في عيوني
تعبتُ في شكي وظنوني
سهرتُ ليالٍي أفكرُ فيكِ
وأزعلُ نفسي وتكوني
ما بتحسيش

أعيشُ الدورَ وطفي شموعاً
وأقولُ الآه وأكونُ موجوعاً
أخبّطُ تاني على بابكِ
وقول يا رجوعاً
واتصل وما ترديش
ما تستهليش

أفكرُ فيكِ ليه تاني
وأحلمُ وأتوجع من تاني
وأرسمُ ليلي بأحزاني
أنا اللي بجد هتوجعُ
وما نفعكيش

يرجعُ قلبي يترجاكي
يعيشُ اللحظةَ وياكي
ويحبُسُ روحَه في هواكي
ما تستهليش
لأنه حتى في إحساسَكِ
وما بتحسيش

أكيد فاكره كلامَكِ ليّا
يا عمّ الحجِ إيه ديّا
بقيتُ أضحكُ ع أسلوبكِ
تقولي بتضحكْ ليه
أقولك لا قلبي
ما تتخضيش

ودلوقتِ غيري دخلَ قلبَكِ
وقالَ إنتي أيامُه
حِلفْلك إنه بحبكِ
ورسمَكِ فجرَ أحلامَه
ما تتخدعيش

قريباً هتكشفي خداعَه
وتباتي كم ليلة موجوعةً
وتحاولي ترجعي تاني
وبقولُها بكلمةٍ مسموعةٍ
لا ما تحاوليش

تعدي تاني من عندي
وأنا زايدٌ في دور عندي
كأنّي باشا وأفندي
ومدلع بطربوشي
وبمانشةٍ أو بالبايبِ
وما هشوفكيش

مع إني أكيد شايفك
وعامل نفسي مش شايفك
ولا حاسّك ولا عارفك
لأنك بصي م الآخر
ما تستهليش

وينزلُ دمعتين منكِ
عشان أحنُّ وأضمُكِ
أقولك إني مش أمُكِ
ومشيكي وما هتمشيش
ما تستهليش

…. كلمات الشاعر
…… محمود فرج

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫6 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق