قصيدة : تسمحيلى أشكرك .مسابقة الشعر العامي بقلم / أحمد عبد اللطيف النجار

خاص بمسابقة الشعر العامي
الشاعر / أحمد عبد اللطيف النجار
السن/ 33 سنه
موبايل وواتس / 01020024942
فيس بوك / Ahmed Alnagar

.
.
.

تسمحيلي أشكرك ..
علي كل جرح وجعني منك
لما أقنعتيني أنك ..
هترضي معايا ب الحياه
روحي منك صحيح لله
علي ظلمك وعلي غدرك
علي قلبي إللي عاش حابك
وفجأه كان مصيره خداع
منيش بياع ..
لكنك بعتي وف ثانيه ..
طلعتي تاجره ف الأوجاع

تملي كنتي بتباني ..
رقيقه ف أغلب الأوقات
جميله حتي كمان ف الشات
وشيك ف الشكل والمظهر
لكن يظهر ..
كل دا كدب ورياء
وعهد الله أنا كرهتك ..
ولا مره هكون مشتاق

مشاعرى وحبي وكلامي
رسايلي ليكي وغرامي
حاجات حصلت وأنا سكران
منيش هبكي ومش ندمان
ومش هقبل بإن العقل يفتكرك
ولا صورتك ولا صوتك ولا شكلك
وهكره كل شيء شكلك
وهبقي سعيد
فراقك عندي أحسن عيد