الرئيسية » مسابقة الشعر العامى » مش إختَرت تِبعِد.مسابقة الشعر العامى بقلم / صفاء عبد ربه

مش إختَرت تِبعِد.مسابقة الشعر العامى بقلم / صفاء عبد ربه

خاص بالمسابقه ( عامي )
صفاء محمد عبد ربه
مصر / الجيزه / الشيخ زايد

مش إختَرت تِبعِد
*************
إختَرت تِِبعِد . بِرَاحتَك
إبعِد وسِيبليِ جَرحَك
والمَكر إلليِ في عينيك
وإنتَ بِتِخدَع وتُغدُر
لأجل مايفَكَرنيِ بِيك

م هو الذَنب مُش ذَنبَك
الذَنب ذَنبيِ أنا
يوم مابقيت عَليك
ذَنب القََلب إلليِ حَبَك
وضِعِف يوم ماحَس بيك

الذَنب ذَنبيِ إن وَثَقت فِيك
ذَنب الأيام القاسيَه
إلليِ حَوَجِِتنيِ ليك
وقِِناع خَلاني صَدقتَك
وإنخَدَعت فيك

مُش إختَرت تِبعِد . إبعِد
ماإنتَ قَلبَك مِِن حَديد
تِِدبَح وتِِقتل
تِِرتِِويِِ م الدم وتقول مَزيد
روح إبعِِد رَبِِنا يهديك

إبعِِد زَيِ ماإنتَ عايز
ضَميرك مات يَجوز جايز
لا. لا. بل مات أكيد
بِِعت إلليِ كان شاريك
ويخاف ويموت عَليك

مُش عارفَه أقولَك إيه ؟
أنا إلليِِ هونت عَليك
أقول يابَختَك بِقَلبَك
ويابَخت قَلبَك بيك
ولاأندَم عليَّ إختياري ليك ؟

مُش عارفه !!!
واضح إنُكُم مُتَفاهمين
تِِخدَعوا الناس الغَلابه
وع الخِِِسَه مِِِتعَودين
روح وماتفَكَرنيِِ بيك

ندي اس عايشه مُسالمه
حامدَه رَبِها شاكره
وبالنَصيب والقَدَر راضيه
عيبهم إن وَثَقوا فيك
روح الله يجازيك

إنتَ كُنت بِِقيت عَليَّ مِين
ماإنتَ مَيت مِِن سِِنين
مِِن يوم مابِِعت نَفسَك
للشيطان وقولت آمين
مِن يومها مات الحَنين فيك

كِفايه بَقيَّ
كِفايه جُروح وأنين
إرحَم شِِِيب السِِنين
إنتَ عُمرك ماكُنت ليا
ولا أنا كُنت ليك

إبعِد خَلاص ياإبن الناس
مِِن إمتيَّ عِِرِِفت الإخلاص
والفَرق بين الحَجَر والماس
روح الله يخَليك
وحافظ ع إلليِِ بين إيديك

إبعِد والله شايف
هوا وحدُه إلليِِ عارف
بالليِ إنتَ عَمَلتُه فيا
وإلليِ أنا عَمَلتُه فيك
روح داإنت الغَدر ماليك

إبعِد وإنتَ عارف
إنك راح تِقضيِِ العُمر خايف
مِن القِصاص يوم الوَعيد
وعُمرَك ماهاتكون سَعيد
روح رَبِنا يهديك

ونَصيحه مِنيِ إليك
تِبعِد وماتِرجَعشيِ تاني
ولا تُقول إشتَقت لحَناني
إنتَ أصلَك خاين أنانيِ
وأنا إلليِ إنخَدَعت فيك

بَس صَدَقنيِِ وأكيد
إن قَد ماكُنت أحبَك
وأتَمَنيَّ أفضَل جَنبَك
أنا إتعَلِِمت مِِنَك
وماعُدت أحِِن ليك

إبعِد ياإبن الناس
وإعرَف مين ينداس
ومين إيديه تِنباس
روح غَير ملامحك
والله قادر بسامحَك
وأنا مُش هادعيِ عَليك

صفاء عبد ربه

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

11 تعليق

  1. حسان سيف الدين

    جميلة الكلمات وجميل الاحساس
    سلمت اناملك

  2. رائع مع إحساس راقى

  3. محمد سعد العمده

    روووووووووووووووووعة

  4. محمد سعد العمده

    روووووووووووووعة

  5. ماشاء الله عليكى احسنتى وابدعتى

  6. محمد سعد العمده

    لكم جزيل الشكر

  7. شكرا لكم مجهودكم الرائع

  8. محمد سعد العمده

    شكرا لكم مجهودكم المتميز الرائع

  9. رائعه تسلم ايديكى

  10. تسلم يداك بالتوفيق باذن الله

  11. سلمت يداك وما خطت رائعة الزمان
    وتحية لنزف يراعك الجميل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *