مسابقة همسة للآداب والفنون لعام 2024
دورة الفنان الكبير عبدالرحمن أبو زهرة
الاسم: أحمد محمد فوزي إبراهيم طاحون
الشهرة: أحمد فوزي طاحون
جمهورية مصر العربية
تليفون: 01225135472
واتساب:01225135472
رابط صفحة الفيس بوك: https://www.facebook.com/profile.php?id=710594841&mibextid=ZbWKwL
فرع المشاركة : الشعر العامي
العنوان: فرحة قلب ” من قراءة في كتاب “السماح بالرحيل ل ديفيد هاوكينز”
” فرحة قلب ”
ما تيجي نفضي في قلوبنا
مكان للفرح يملانا
وورده وفله يسكنا
ويرمي جذوره جوانا
همومنا بلاش نفسرها
ده رب الكون ميسرها
قيود مشاعرنا نكسرها
والناس الوحشه نخسرها
ونقرب للي حبانا
الدنيا مش ضرب وحرب
ولا دايما هم ولا كرب
ده الحب بيقوي الحب
والقلب محتاج للقلب
واللمة الحلوة جمعانا
الفرح مش لازمه شروط
وحياتنا دي صعود وهبوط
لو فيها حاسس بضغوط
عديها تصبح مبسوط
دا أنا وانت الدنيا واخدانا
مش قادر هي مش عايز
ولا انت ضحيه ولا عاجز
غير قاموسك كده جايز
تبقى من الحزب الفايز
وساعتها اوعى تنسانا
أحزانا مش عايزه دراسة
طنشها وانسى واتناسى
قابل حياتك بسياسة
تلاقيها ماشيه بسلاسة
أوجاعنا عنا حيشانا
ليه تحكم وانت مش قاضي
وتفوت سنينك على الفاضي
وتموت وتعيش في الماضي
وتخسر قلب كان راضي
عن عيشته وعيشته تعبانه
