الرئيسية » مسابقة الشعر العامى » مقامات الليل .مسابقة الشعر العامى بقلم / نورين على السعيد من مصر

مقامات الليل .مسابقة الشعر العامى بقلم / نورين على السعيد من مصر

=نورين علي السعيد
=نص **مقامات الليل**
=مصر/محافظة:بورسعيد
=الموبايل:01066616300
__
انا هسجد ببكآيآ الليلة..
ف أقبلني يارب..
انا جيتلك جري..
نَّفسي ماهوش راضي بإنصافي..
انا جيتلك ببُكآيآ الحافي..
أنا قلمي المقصوف مكتوبله..
ما يبطل برَي..
انا جيت وانا مكسي عياط يشبه..
إتنين إصحاب..
إخترت ما بينهم وأخدتُه..
والتاني مجاش دوره ف سيبته..
أنا جيت بنواح السما دلوقّت .
السما مالهاش لا معاد ولا وقتّ..
ف بتيجي تعزي ف روحي قوام..
وبتشهد علي عيني الدايبة..
وبتكتب فوق..هتعيط بعديها تنام.
الليل مش مُنصف ف بتكتب..
وتعيط شعر..
وتبيعه بدون ما تحط السّعر..
وتهد ف حيل الورق الهشّ..
ف يعيط ويزيدها عياطُه..
من غير ما يفرق بغبائه..
حسنات الشعر وزلاته..
انا هحكي بدون ما أتنفس ناس..
مّلوني ف أول بيت مكتوب..
شطّبوا علي كل المتبقي..
وسابوني أدور ف المشطوب..
انا هحكي بدون ما أشربهم كاس..
وأسّكرهم علشان أنساهم..
الشرب حرام..والضحك حرام..
ف الأصل الكاس والضحك إصحاب..
مع إن أنا اصلا سبّاهم..
انا هحكي بدون ما هخبي عليك..
الدنيا بتاخد ما بتدي..
محلوف علي روحك تتهدي..
مطلوب يومياً قبل ما انام..
صنّفي مقامات الليل أصحاب..
عديهم كام..وأنفضي بالباقي غياب وتراب.
أبّعدي عن برفانه وريحته..
وأتداريّ ف أي مكان مفهوش..
لا عياطه وعينه وتسريحته..
إتدراي يا بنتي ف قلب الحيط..
وإنسلي من روحِك مليون بيت..
وألفظّي أنفاسه ف شُريانِك..
سرطآن الناس مش شبهك شئ..
ولا حتي بيشبه سرطانِك..!

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *