شاعر عامية
محمود رمضان
٠١٢٨٠٠٤٥٦١٨
قصيدة بعنوان
أول طبعه من الأيام
إن ما قدرتش
تمسك أصغر حلم في أيامك
وان شفت كتير من أمانيك
بتموت قدامك
وان بصيت ف عينيك
ولقيت ان انتي مش انتي
وان النني
أصبح مجري لشلال أحزانك
حاول تضحك قد ما تقدر
وان ما قدرتش تضحك
إركب إلهامك
وافرد جناحاتك
في الحلم شراعك
واتنسم ريحة الحرية
وافرد ضهرك
واستقبل م السما
أول طبعه من الأيام
وانقش بإيديك
أول حرف يدون
رحلة إنسان
كان عايش مش عايش
كان بيحارب دنيا بتستمتع
بالعصيان
والطغيان
وبظلم البشريه
كان بيحارب
بسلامة النيه
