الرئيسية » الشعر والأدب » من تراب. مسابقة شعر العامية بقلم / سعاد الزامك من مصر

من تراب. مسابقة شعر العامية بقلم / سعاد الزامك من مصر

Spread the love

الاسم / سعاد احمد محمد عبد السلام
اسم الشهرة / سعاد الزامك
محل الاقامة / القاهرة
نوع العمل / شعر عامي
=============
من تراب
******
سؤال برئ محتاج جواب

لكن غريب عجب العُجاب

مش كفر لأ .. يمكن عتاب

ليه اتولدنا عـ التراب ؟

ليه إتولدنا عـ التراب ؟!!!

ليه بنحلم بالسحاب ؟

كل يوم مليان عذاب

قهر خوف وياه ضباب

بشويش عليا يا دنيتي

سيبي حبة لضحكتي

خايف أموت

بعد السكوت

و تتوه معايا فرحتي

قبل ما نسيب العذاب

إنت لسه ح تفتري

بعد ما العمر سِري

كون ضعيف

أو شديد

دنيا برده ما تساويش

غير دقيقة و نفترق

لإننا شوية تراب

بأدعي ربي ليل نهار

بعد ما قاسيت المرار

يصون حياتي

من اللي فاتوا

عليها بقسوة و نار

بغدر وحوش كما الدياب

لو كنت جنبك

كنت حاربت النجوم

نجمة سمعاني تغيير

و تبارزني بالهجوم

بس برده سيبتها

و رجعت لك من غير هموم

أدُق بحنين عــ الأبواب

طول مافيه كدابين

صِدقي صِدقك في الحياة

ح يكون حزين

طول ما فيه غدارين

إستحالة تضحك لنا

تاني حياة

خالية من حقد و عذاب

بلاش سؤال و لا جواب

خلاص تعبت من الحساب

دور إنت ع الجواب

و بلاش كلام و لا عتاب

و اللي كِرهك برده بيعه

اللي غدرك مسير تسيبه

ما تقاومش إحساس جميل

ضُم نفسك و إستكين

و الحنين بيجيب حنين

الفرحة راح تسبق أنين

و أوعى تنسى فـ يوم

إنك اتخلقت من تراب

بقلمي / سعاد الزامك

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الحوت الأزرق قصيدة للشاعر / محمد ثروت

Spread the love قصيدة بعنوان…….. الحوت الازرق توت…. توت قطر صغنتوت كنا بنلعب بيه  ف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *