الشعر والأدب

نجوم النهار . قصيدبقلم الشاعر أحمد صبرى

هذا الويدجت يتطلب تركيب إضافة Jannah Extinsions، يمكنك تنصيبها من خلال قائمة القالب < تنصيب الإضافات.


[highlight] نجوم النهار
احمد صبري

الكلام جوايا ساكت
والحنين ملاني مرار
حبيبتي راحت بس سابت
قلبي بيموت انتظار
العشم مكانش ف محله
والامان هرب من اهله
اللي فات زي اللي قابله
غدارة يانجوم النهار

بنحلم وغيرنا يحقق
احلامنا بتبكي عنينا
ونندم وقت مانتفرق
ووجعنا بيكسر فينا
السكة صعبة وبتعذب
وقلوب كتيرة بتتقلب
ليه الحقيقة بتتكدب
وليه بتغرق امانينا
نقوم ازاي ونمشيها
وكل موجة بنعديها
بتيجي الاقوى بعديها
والرحمة تحرم علينا

قرب العيد البعيد
وراح لصاحب نصيبه
لما نعشق من جديد
راح اقول للقلب عيبه
انه بيصدق اوهام
وانه بيسلم لكلام
انه بيحس بغرام
هايجي يوم يسيبه
قلبي ياما بينخدع
بيعجبه دور الجدع
ومهما بيشوف البدع
ياخده الحنين ويجيبه

الف مبروك الفرح
ومش مهم الاعتذار
ذاد الحنين لما طرح
والقسمة ضربتني نار
الذكرى بتيجي تفكرني
اللي جرح واللي هجرني
وبدعي ياربي تقدرني
ع الغدر وع الاشرار [/highlight]

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق