سالي عبدالرحمن زقزوق
الشهره سالي زقزوق
شعر عاميه
البلد المنصوره
واتس 01003314757
ومن الحب ماقتل.وتعب ووجع
ظروف سوده بعيد عنك
رميتني عليك وعلي حبك
والاصعب من الوحده يا صاحبي
انك تحتاج حضن يضمك
حد يلمك ويجمع فيك
في كسور جوايا بقالهاا سنين
وانا كنت متعشم في اديك
تيجي تداوي
انا مش في الحب فلانتينو لكن هااوي.
واعرف حكايات مليانه اهات ودموع وانين
ده كلام الست بقاله سنين
لكن عايشينه والله
وكالعاده نفضل نكتم
ووجعنا يتقال في اغاني
احنا كاشعرا. حساسين اوي
مشاعرنا رقيقه. جامدين جدآ
وساعات تلاقينا اضعف من الشعره.
وانا وياك بانت موهبتي
وبقيت بكتب من وجعي
مره في التانيه بقيت شاعر بس بخيبتي.
اه من الجمل لما ينخ وركبته ماتبقاش شيلااه
ويقوموه مايقوموه
كاره وذاهد الحيااه
والعشق لما يصيب جدع
بيبقاا اضعف خلق الله
كان فرحي وياكم ثواني
وحزني كان طول الحياه
انا جيتلكم بنص وجع
نص جدع. جيت بنص كل حاجه
عملتوا فيا البدع
ذاد الوجع. كملتوا فيا كل حاجه
محقولكم من حقكم
مانا الا جيتلكم
وفتحت قلبي ع الواسع
سلمتكم مفتاح حياتي
وقولت هبقاا منكم
اتاري بينا فرق شاسع
قفلتوا عليا بميت تربااس
وحرمتوا علي روحي النفس
من امتاا الموت له مقياس
ساعات في حب بيكون كفن
