الرئيسية » الرسم والتصوير » يعنى إيه كامة وطن..قصيدة للشاعر / يسرى الفار

يعنى إيه كامة وطن..قصيدة للشاعر / يسرى الفار


يعني إيه كلمة وطن ؟؟
يعني فرش
وبيت صغير في الميدان
يعني صوت جرس الكنيسه
وصوت آدان
يعني صوت بياع
بينده عالبيبان
يعني وش بشوش
يصبح ع الجيران
يعني حضن يضمنا
جواه حنان
**
يعني إيه كلمة وطن
يعني واو وطه ونون
واو …
وجودنا كلنا
وإزاي نكون
واو …
وجعنا من المحن
جواه تهون
واو …
وقفنا في الميدان
قدام حصون
ط …
طريقنا في الزمان
عمره مايرضي بهوان
والعيون ماليه المكان
فاتحة دراعات الأمان
نون …
ده نور من الأيمان
حرف طيب ف اللسان
وش طاهر له بيان
جـَمـَعـُه صوت الآدان
فـَرَقـُه صوت السياسة !!!
في الميدان
!!!!!!!!!!!!!!!!!
يعني إيه كلمة وطن
حب في القلوب سكن
لاهو فرض ولاسنن
بس مين اللي فطن

من ديوان #وشوش_بدون_رتوش …#يسري_الفار

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

أسماء الفائزين فى مسابقة الرسم والتصوير بمسابقة همسة 2017

نتائج مسابقات همسة فى الرسم والتصوير ـــــــــــــــــــــــــــــــــــــــــــــــ نتيجة الرسم المركز الأول….زكريا التابعى من مصر ولوحة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *