ط
مسابقة الشعر العامى

أغراب. مسابقة الشعر العامى بقلم / سناء محمد السيد المصرى . مصر


سناء محمد السيد محمد المصرى
سناء المصرى
محافظة الشرقية/مصر
مهرجان همسة للفنون والاداب
مسابقه الشعر العامى
قصيدة بعنوان

أغراب

دنيتنا ياناس غريبة ولا احنا فيها أغراب
نمد بالخير إيدينا جزاءنا يبقى عذاب
ليه الظلم انتشر
بقى طبع كل البشر
والعدل سابنا وغاب
فين الحنان والوفا
ليه م القلوب اختفى
بقى فص ملح وداب
لإمتى هافضل كدة
عايشة مع الأحزان
حسة انى كبش الفدا
للناس فى كل مكان
إمتى أدوق الهنا
إمتى أعيش فى أمان
حكايتى لوتتحكى تبكى ملوك الجان
شكيت فى يوم للقمر
وقلبى عليل تعبان
قاللى دى دنية عبر والغدر بالألوان
واللي يخون ياجدع
لازم فى يوم يتخان
ضربنا ليك الودع
والمستخبى أهو بان
القلب داب م الوجع
مع إنه بحر حنان

بقلم سناء المصري

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى