فيها النسيم سحر ودوا من حسنها قلبى أرتوى عاشق بنار حبه أتكوى وف قلبى دايما محبوبه على شطها كنا سوا عشاق مجمعنا الهوى كانوا حبايب عمرنا عايشين معانا وجنبنا وف حضنها بتضمنا ف الذكره دايما محفوره عاشق هدوءها ودلالها والقلب دايب فى جمالها ولاعمرى هنسى أيامها والأصل أحسن م الصوره باناها خوجه متغندر سماها من أسمه أسكندر بلطيه عايمه بتتمخطر حلوتها زى البسبوسه دى أسكندريه أحلى عروسه م العين تملى محروسه ب أيدين ولادها وأحبابها حارسين دروبها ومحفوظه ع الشط واقفه بتتدلع عشقها تطلب تتمنع عوزلها طاقه ومفروسه كرموز على ميامى والعجمى الله على السحر وعجبى ب أهديها والله ميت بوسه كلمات الشاعر محمد ثروت عبدالحفيظ
