طُول مَانتا ماشى . طول مَانتا واقف . طُول مَانتا قاعد . وانت بِتاكل .وانت صاحى .وانت نايم بتِحلم بمصر ********************* . مصر الحكاوى مصر القهاوى, مصر المَقالى . مصر المَشَاوى . مصر المَعامِد مصر المنابِر. مصر المساجد مصر الكنايس . مصر المشايخ مصر القساوس . مصر المدارس مصر السواقى . مصر الشوارع مصر الحوارى مصر المصايف مصر البوادى . تقدر يارايح لِدوله تانيه تنسى مصر؟ ************************************** وانت مشرق وانت مغرب قلبك فى مصر. ************************** بقيت فقير بقيت وزير كله يُهون فى حب مصر ****************************** شارع مِضَلِم شارع مِنَور . شارع مِسَفْلِت شارع مِكَسر . بنحب مصر . ************************** كَسبنا كوره خِسرنا طايرة نهتف لمصر. ************************* كَلّها بِِدُقه . كَلها بِِلّحمه . بَلّعْ مِخلل . حَلّى ببصله. عَيد ببدله ماشى بشبشب كَمل بصندل . مَجَبش جزمه . صَبونه رِيِحه صابونه شمس مكَمِل فى مصر. *************************** عنده رسيفر .أتفرج فى قهوه . َروح بتوكتوك . اتوبيس حكومه .َوصَََََل بباص . َروَحْها ماشى قاعد فى مصر. ************************** أسعار بتغلى . نور بيقْطع . جِيب مفَلِس بلدنا مصر . ******************** ساكن فى أوُضه . ساكن مَقابِر فى شقه بلدى . واكِل فلافل .واكِل شاورمه . وكِلها حَاف . ماسك فى مصر . ******************************* سُوُاح بِتيجى .سُواح ترَوَح. تِركَب فى مَركِب تِركَب كارِته . تِعْشق فى مصر. ************************** فلاح صعيدى . من أهل طنطا . اسكندرانى .وادْ بورسعيدى .مجْدَع رشيدى كُله شارب من نهر نِيلُه عاشق لمصر . *********************** تشرب عصِيرك وتمر هِندى. تاكُل بليلَه. تِرمِس تقََزقَز. ودُرَه مشْوى . تِحبِِِس بشَايك . من أهل مصر *************************** . رافعلى رَاسَك . ضاربلى فََاسَك . بَردُه انت مصر . مِختارلى سِيسك . حابسلى مُرسى فاضِح مبارك . الكُل يعرف مِين هىَ مصر أعجبنيأعجبني ·
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
