بحبك يابلدى مهما حصللى
وهعيش لربى واصوم وصلى
انتى الحضاره وانتى التاريخ
وانتى شمس قلبى وضلى
*****************
الله عليكى يابلاد النور
ياام الحب فارد جناحه
وشعب ارق من الزهور
فى مساه والله وصباحه
بحبك يامصر وبموت فى نيلك
وبدوب فى اغانيكى ومواويلك
طول عمر الطيبه دى دليلك
وكرم فى قلبوب شعبك تمللى
*****************
بحبك يابلدى مهما حصللى
وهعيش لربى واصوم وصلى
****************
غنى ياناى مع المزمار
وقول لدنيا احنا مين
ساعة الجد مافيش هزار
وسالوا عن المصريين
عشان علمها اموت شهيد
وزرع بدمى فى ارضها عيد
وقول لكل ايد بتقيد
النار فيها بكره هتتشلى
****************
بحبك يابلدى مهما حصللى
وهعيش لربى واصوم وصلى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
