الايدين متعرجين
ومضفَّرين بعجزهم
والبعاد سكاكين ألم
واسمع أنينك وابتسم
والقلب جواه محزنة
وانت حبيبتي ف محنتك
وانا اللي تايه عن أنا
لا قدرت من بُعدي احضنك
ولا قدرت يومها اسندك
بس لازم ابتسم
ازاي تحسي دمعتي
وانت اللي شيفاني جبل
يارب يا خالق الجبل
يارب يا رافع السما
احفظ حبيبتي وموطني
رجعها ليا فرحتي
وابعد عنها اللي ظلم
يا رب عجزي ذلني
وانت اللي في ايديك حفظها
هي اللي ياما اتحملت
فوق الألم مليون الم
النيل بدونك خط وهم
وانت اللي ترويه دندنة
يا رب احفظ موطني
يا رب احفظ موطني
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
