خاص بالمسابقة ( شعر العامية )
الاسم : محمد أحمد سعد محمد الدليل
قصيدة : أم الدنيا
=========
مصر يابلدى يا أم الدنيا
انتِ شعاع النور يهدينا
انتِ أملنا ومستقبلنا
وانتِ حاضرنا وكل ماضينا
وانتِ البسمة لكل وشوشنا
ونسمة ترفرف من حوالينا
لو لفينا العالم كله
صعب نلاقى وطن زييها
جل جلاله ذكرها المولى
فى قرآنه ووصى عليها
فيها خزاين الأرض ونيلها
نهر الخير يروى أراضيها
اسألوا يوسف و اسألوا موسى
عن خيراتها وعن مراعيها
لوفكرت فى يوم اهجرها
ألقى نداها سبق خطاويها
على فين رايح بس ياولدى
أرجع تانى اترمى ف إِيديها
وارسم صورة جميلة لبلدى
وابنى الهرم الرابع فيها
أزمة بسيطة وبكرة تعدى
عمر ما أزمة تاثر فيها
خلى أملنا ف مستقبلها
بس الصبر شوية عليها
——————————
