يا مصر يا امى
من قلبى بناديلك
باصرخ بعلو الصوت
وانا ليه مين غيرك
حبينى يا بلدى
قد ما حبيتك
امتى هيطلع فجر
وتقيد قناديلك
حالف بنبض القلب
ما اسيب انا ارضك
وهارفع رايات النصر
واخلد بالعلا مجدك
ما انا اخر الحضارات
فرعونك انا وولدك
انا اللى ياما يا بلدى
غنيت ناديت باسمك
وغزلت اشعارى موال
و توبى من علمك
وانا اللى بالكلمه والالوان
بالعيون والقلب انا راسمك
مش طالب جاه ولا قصر
دا منايا انا حضنك
ضمينى ودفينى بامصر
واحشنى سطوع شمسك
اروينى وداوينى
من نيلك ومن شهدك
اغنينى عن غربه
وادينى من خيرك
دانا لو هكلها بملح
هاحمد وابوس طينك
بس انتى حبينى
قد ما حبيتك
دانا اللى ياما يا مصر
رفعت اعلامك
وانا اللى ياما كتبت
وعلمت ثوارك
ان احنا مهما كان
هنفضل كلنا ولادك
لا فتنا تفرقنا
ولا عدو هيمنعنا
نحقق الاحلام
ونعلى براياتك
وانشالله عشانك اموت
واصبح انا شهيدك
هاصرخ بعلو الصوت
احنا فراعيينك
مهما قابلنا صعاب
هانبنى ونعليك
ومهما اغرونا بمال
لا يمكن نعيش غير فيك
ومهما القلم بالحبر
كتب اشعارى ليك
ابدا ما يوفى كلامى
ويرد جميلى اليك
ياللى الاله بسماه
ذكرك وبالكتاب علاك
يا خير جند الارض
من غيرك ذكر خيرك
يبقى قوليلى ازى
يلومونى لو اغنيلك
دا حتى سمرة جبنا
من سمر مياه نيلك
هافضل انادى يا مصر
واكتب باشعارك
حبينى يا امى
زى ما حبيتك
بقلم
=== الشاعر \ راسم محمد
