حصريا خاص بالمسابقة شعر عامية
***************************
وأنت طالع برة منى
أوعى تلمس يوم
جروحى
روحى راحت
برة منى
لما دوست بقسوة
بوحى
………………………
وأنت طالع برة منى
أوعى تتبل ف
دموعى
أوعى تجرح سيل
بخدى
ولَّا تطلب يوم
رجوعى
ده اللى منك
جوه منى
كاس مرار كاسر
ضلوعى
سهم راشق وبقساوة
بالوجع يفرض
خضوعى
………………………..
وأنت طالع برة منى
يلا خد وياك
انينى
زى مانت سرقت
عمرى ويا ضحكة
بتنادينى
………………….
وانت طالع برة منى
مش حتاخد أى ذكرى
وإنسى إسمى
لون جبينى
سيبلى عقلى
واللى فاضل من
سنينى
بقلــــــــمى
مـرفــت محمــد
الأسم بالكامل/ مرفت خميس محمد خليل
جمهورية مصر العربية/ محافظة الأسكندرية
