الاسم / صلاح سيد احمد رقم هاتف / واتس / 01121292227 صفحة الفيس بوك / https://www.facebook.com/profile.php?id=100074405287802 مسابقة همسة فرع القصيدة العامية قصيدة " سعيد " الى صاحبى المتغرب جدا الدايب فخدود ست الكل الحارقاه نار الغربه الواد الناشف بسلامته ابو قلب حديد عارف يا سعيد اللحمه محاربه دوارنا من يوم العيد حتى الفروج ابو دم ابيض اتفرعن على خشم الغلبان والفرحه حالفه ما تخبط يوم عالبيبان وانا مش حملان راحجيب من فين مصاريف يعنى ولا اجيب من فين حق الحقنه ويا دوبك كل الى اقبضهم يتصرفو على حق الزاد ويا ريته مقضى ده القرش مصدى بقى ينفع فاليوم الاسود والغلا بقا نار حالفه ما تهمد والزيت راكب قطر النوم والبيض بيضارب فالبورصه والناس مجاريح وغلو بيكنس زى الريح والناس ما ملاحقة عالطوابير بتشوف مناظرهم زى الصير صياد وبيرمى الطعم حويط وقرود تتدرب عالتنطيط وانا قلبى عبيط داب واتعلق بيها بسرعه مش نار الغلا بس الوالعه ولا نار البعد الحراقه وفلوس بتفرق فشقاقا ونفوس مرضت ولا ليها علاج بقا يسوى وجودك بالانتاج والغاوى ينقط بطاقيته بقا ارخص حاجه البنى آدم بقا اكتر حاجه الناس بتبيع مش عاوز اخربط فالمواضيع بصراحه صبح الامر وضيع عارف يا سعيد الناس مخنوقه ومن بعضيها بتتلوم وهموم تتراكم فوق بعضيها وتتكوم بنبات فهموم نصبح تانى يوم على هم جديد كفاياك يا سعيد
