محمد السعيد عبد النبي
مصر
بورسعيد
الفئة ..عامية
الشهرة..
الشاعر محمد السعيد
شادى بورسعيد
01222193309
كلام ممنوع
فراقك وهم فوق سطرى
ومش ممكن يكون مشروع
ومش هسمح أنا طبعا
لأى دموع على عِشرة حنين قلبي تحاول تيجي يوم وتروح
لذا راح أغير الموضوع
وهنسى إنك وقفتى فى يوم على حبال الهوا
حاولتى تقَّطعى بإيدك
وصال عَمَّر فى روحك روح
وقولتى كلام وكان صمتك جروح نَبَشِت فى خاطرى شروخ
لذا هاانطق إليكى وأبوح
بحبك …كلمة ما أعرفاهاش ولون الورد فى خدوك
وحشتينى
بحبك …وإنتى أغلى الناس ف روحك
نسمة تحيينى
وحشتينى
وضحكة طفل متشرد لحضن يضُم
وليلة قدر كان حبك ودعوة لأُم
وحشتينى
فراقك حاجة مش موجوده فى قاموس الهوا والشوق
وأى أعذار تقوليها منيش قابل
ولا هناقشك
غريق قلبى سنين قبلك ..فمديتى بإيديكى الطوق
وخدتينى على رموشك فى ضل عينكى كنت أسكر وكنت بفوق
و قولتى كتير كرهتينى وأنا عارف كلامك بره عن قلبك وكان مقصود زيادة شوق
فـ ليه خوفك
وانا حاسك نهار واقف على إزاز الحنين فارد بإيده شروق
دا أنا من كتر مابحبك
قالولى القهوة هاتظبط مزاج روحك وبكره تروق
مصدقتش، لأن القهوة بشربها
في ريق قلبك وكل شوية أفضل أدوق
بحبك
كلمة بعرفها فى تكوينك وتفاصيلك…حقيقى بجد
ولما الليل يهاجم فكرى ويجيبك بلحظة شك أقوله
إبعد ياشيخ…. و اتهد
عشان شاعر عبيط قلبي فى إحساسه
ف يومى معاكى أمس وغد
فشوفى كام سنة بحبك
وكام مرة النجوم تتعد
فخِفى شوية على قلبى
بشوق إيدك
مافيش داعى تزيدى ….الصد
دا أنا من كتر مابحبك
بشوفك ورد عاشق خد
مكنتش أعرف الدقات ..ساعات
تبقى بطعم الشهد
ساعات تفتح عيدان قلبى بطيف سيرتك فتطرح ورد
فلِمى البُعد فى حروفك
وانسى ف دقتك خوفك
أكيد الدنيا عينالِك فى جيب قلبى شوية سعد
وحشتينى
وهذا البعد لو طوّل أكيد فى الحال أكون موجوع
أكيد هنسى واتحوّل وأطَّفى أشواق
قادتها شموع
عينيا نفسها تشوفك
واحشها فى ضحكتك روحك
ولو بالفرض كان ممنوع
لذا راح أغير الموضوع
وأسيب قلبك لإحساسه
أكيد ورد الحنين نابت
وفيه حواليه شوية شوك
