ط
الشعر والأدب

آهــــات..للشاعرة / هناء نوار

هناء نوار
๑۩۞۩๑ آهــــات ๑۩۞۩๑

آهات كتير و كتير أنواع 
و كل شكل و لون .. معنى
فيه آهة تطلع بالأوجاع
تحِن لما بتسمعنا 
و آهة تطلع تجرحنا
و آهة تيجى تفرّحنا
و اديحنا بنداوى جروحنا
و نعيش على كل الأوضاع
فيه آهة تحلم لو تتقال
فِ لحن غنوة أو موال
ف تتوه و تغرق وسط الموج
و اهو حالنا من دا و من دا الحال
ساعات آهاتنا تكون تراتيل
زى الكامنجة فِ عزف الليل
تشوف خيالك حلم جميل
ف تفوق غريب ويا الترحال
و ساعات تكون تخاريف كوابيس
تبات ملاك تصبح إبليس
لا ليك جناح تهرب م الخوف
و لا انت قادر تبقي خسيس
قلبك جبان فِ الغدر ضعيف
تحزن كتير تفرح تخاطيف
تحتار معاك كل التعاريف
و انت البطل من غير كواليس

 

 

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى