ط
مسابقات همسهمسابقة الشعر

تهمة غدر..مسابقة العامية للشاعرة سعاد احمد محمد عبد السلام من مصر

سعاد احمد محمد عبد السلام
شعر عامى خاص بمسابقة مجلة همسة

تهمة غدر
———-
ياللي بتهمة غدر رمتني
و تقول عني إني الجاني
و ف لحظة ظلم بتقولي
إني ف حبك بعت التاني
***
إنت نسيت لفك حواليا
و كلام كان .. كله حنية
و حلمت أفضل جنبك يوم
و دعيت أسيبه ولو لثواني
***
إنت ماكنتش فاهم حاجة
باكره طبع الغدر صراحة
اياك فاكر راح تغلبني
بِشَبك حبك اللي رماني
***
لما لقيتك .. قلبك خاني
شوفت حقيقتك غصبن عني
قلبك جارح كله ظنون
و حلفت مارجعلك تاني
***
طب مانت الاول غاوتني
عاوز تهدم عشي البِني
دلوقت بتندم و بقسوة
لما هجرتك و ما بتلقاني
***
انا عمري ماهويتك يوم
فكرت ف غدرك الشوم
و رجعت لعقلي و لعِشي
من قبل ما تخلا من تاني
***
لا أنا بنت حارات
و لا بنت ذوات
خطوتي محسوبة بالميلي
مصرية و طبعي شراني
***
و كرامتي عليا الاغلي
عندية و طبعا مش سهلة
لو حد غازلني أو حاول
باهرب و اتخفي فـ احضاني

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange