ط
مسابقات همسهمسابقة القصة

حرب نفسية..معالجة دارمية وحوارية سيناريو للكاتبة / أمل سيد محمد من مصر

معالجة دارمية وحوارية سيناريو حرب نفسية للكاتبة امل سيد محمد

م 1ن \ د غرفة الدكتور عزام فى مستشفى عزام جولدن الطبى
الدكتور عزام : ادخل
احمد عزام : ازيك يا زوما
الدكتور عزام : يا ولد احنا فى المستشفى انا هنا اسمى دكتور عزام
احمد عزام : ماشى يا دكتور عزام انهارده يوم تاريخى يا دكتور عزام يا ترى ليه
الدكتور عزام : ليه
احمد عزام : بما انك مش عارف انا هقولك انا بقيت دكتور احمد عزام النتيجة طلعت انهارده دكتور بتقدير امتياز
يقوم عزام من على كرسيه ويحضن احمد
الدكتور عزام : مبروك يا حبيبى طب ومستنى ايه يلا البس البالطو واستلم الشغل
احمد عزام : على طول كده
الدكتور عزام : طبعا على طول المستشفى منتظرة الدكتور احمد بفارغ الصبر من عشرين سنة من يوم ما فتحت المستشفى دى وانا نويت انك تبقى مديرها واهم دكتور فيها
احمد عزام : بس انا لسه ما احتفلتش مع اصحابى بالتخرج يا زوما
الدكتور عزام : ابقى احتفل يوم الجمعه يوم اجازتك يلا البس البالطو
احمد عزام : طب خليها بكره يا زوما
الدكتور عزام : يلا بقى يا دكتور البس البالطو وتعالى اعرفك على الاقسام والدكاترة

م 2ن \ د طرقة فى الطابق الاول بالمستشفى
الدكتور عزام : هنا طبعا قسم الطوارى والاستقبال وفيه دكتور محمود ودكتورة عزة
احمد عزام : يا دكتور انا عارف كل حاجة فى المستشفى الدكاترة والاقسام فا يريت نطلع على الدور الثالث علطول قسم العلاج النفسى و وبعد كده حضرتك تقدر تروح شغلك قسم الجراحة
الدكتور عزام : براحتك يا ابنى
م 3ن \ د طرقة فى الطابق الثالث بالمستشفى
الدكتور عزام : شغلك هيكون هنا قسم العلاج النفسى هنا مكتبك و هتمسك عنبر 3 و 4 و 6
احمد عزام : طب و خمسة
الدكتور عزام : لا ده تبع الدكتور اشرف لان الحالات اللى فيها تحتاج لعلاج عضوى مش نفسى
احمد عزام : طب مدام كده حاطينها فى القسم ده ليه
الدكتور عزام : هتعرف كل حاجة بعدين سلام بقى عشان اشوف شغلى
احمد عزام مع السلامة يا بابا
الدكتور عزام : قولنا ايه
احمد عزام : اسف مع السلامة يا دكتور
م 4ن \ د هيثم وعصام فى النادى فى ملعب التنس
هيثم : انت فين يا ابنى – – – لا هتيجى ولا مستشفى ولا بتاع هنحتفل انهارده احنا فى النادى — لو عدت ساعة ومجتش هنيجىلك وهنشيلك

م 5ن \ د احمد عزام فى طرقة الطابق الثالث فى المستشفى
احمد عزام : خلاص يا بنى ساعة وهاجى بقى عايزيين تيجو تشيلونى لا هاجى سلام – – يغلق احمد الهاتف ويضعه فى جيب البالطو
يأتى عم جابر ويقف بجوار احمد
جابر: ازيك يا دكتور احمد فاكرنى
احمد عزام : طبعا فاكرك يا عم جابر ياما جت هنا وانا صغير وكنت بتجيبلى الشيكولاتة والبسكويت
جابر : ربنا يوفقك يا بنى انت خلصت دراسة خلاص وهتشغل هنا
احمد عزام : ايوة يا عم جابر بس ايه حكاية عنبر 5 ده يا عم جابر
جابر : بص يا بنى خليك فى تخصصك وملكش دعوة بعنبر دكتور اشرف
احمد عزام : ماشى يا عم جابر شكلك عندك حق
يسير احمد مع جابر فى العنابر من 6 الى 4 يجد احمد كل المرضى يقوم بعمل ما فمنهم من يرسم ومنهم من يكسر العاب اطفال ومنهم من مربوط فى سريره لمروره بنوبة عصبية ومنهم من يلعب بلعبة قطار اطفال ومن يحدث نفسه بلغة غير مفهومة يغادر احمد وعم جابر عنبر 4 ويدخلا الى عنبر 3 يجد مريضة واحدة ولا تتحدث ولا تتحرك جالسة على كرسى ساكنة بلا حركة بنظرة ثابتة
احمد : انا الدكتور احمد الدكتور الجديد فى القسم اهلا بيكى
جابر : متحاولش معاها يا بنى مش هترد عليك دكاترة قبلك كتير حاولو معاها مبتتكلمش ولا بتنطق كلمة واحدة ولا بترضى تاكل ولا تشرب عايشة بالمحاليل
احمد : امال انا جاى اعمل ايه

ياخذ جابر احمد ويحدثه على جنب
جابر : انت جاى يا بنى عشان تاخد بالك من العيانين عشان ميئزوش نفسيهم مش عشان يخفو جلسات الكهرباء والادوية اللى بياخدوها بتخليهم مفيش امل انهم يخفو
احمد : يعنى انا جاى عشان اقبض اخر الشهر
جابر : حاول يا بنى بس مع اللى فيه امل منه
ينصرف جابر ويظل احمد وحده فى عنبر 5 غرفة فرح
احمد : انتى اسمك ايه طب حاسة بايه انا عايز اساعدك
يذهب احمد الى الباب ويقرء اسمها فرح الرشيدى يجلب احمد كرسى ويجلس بجوار فرح
احمد : طب عايزة حاجة اجيبهالك شورى طيب انا هنا موجود علشانك وعشان كل حد زيك فى المستشفى دى الدنيا فعلا فيها حاجات وحشة بس برضه فيها حاجات حلوة كتير انتى كده عازلة نفسك عن الحياة
يرن هاتف احمد فيقوم
احمد : انا هامشى دلوقتى بس اكيد هشوفك تانى بكره
م 6 ن\ د احمد جالس مع اصدقاؤه فى كافيتريا النادى
هيثم : انت عارف لو كنت اتاخرت كنا هنجيلك المستشفى وهنشيلك ونجيبك على هنا
عصام : ايه يا ميدو شغل كده من اول يوم
احمد : معلش يا عوص انت عارف ان والدى كان مستنى اليوم ده بفارغ الصبر وادينى جيت
عصام : عوص حبيبك محضرلك مفاجاة بالليل جوز اللوز هتعجبك

م 7 ل \ خ نايت كلوب شيك
موسيقى اجنبى عالية
احمد : هى دى المفاجاة يا عصام
عصام : يا راجل عزومة نايت هى مفاجاة عوص لا لا المفاجاة اكبر
احمد : يا بنى انا مبسهرش فى اماكن زى دى
عصام : ايه يا احمد ليه محسسنى انى عازم كريم ابن اختى انهارده احتفال ومش لازم تشرب يا اخى
احمد : طب ايه المفاجاة
عصام : ثانية واحدة
يخرج عصام ثم يدخل ومعه فتاتين
عصام : ايه رايك بقى
احمد : سلام يا عصام
فتاة 1 : احنا معجبنكش ولا ايه — فتاة 2 : يمكن عايز كتكوتة صغيرة
احمد : كتكوتة صح
يخرج احمد
عصام : طب اقعد يا احمد هجيبلك واحدة غير دول
م 8 ن \ د غرفة فرح
يدخل احمد غرفة فرح وفى يده كرتونة يخرج منها كتكوت ويضعه على سرير فرح ويضع بجواره طبق صغير فيه طعامه بجورها يتحرك الكتكوت باتجاه فرح يخرج احمد خارج الغرفة ظهور ساعة الحائط يتحرك العقرب ساعة يدخل احمد غرفة فرح يجد فرح واضعة على يديها طعام الكتكوت وتطعمه ويظهر على وجهها ابتسامة طفيفة

يبتسم احمد وهو واقف خارج الغرفة يراقب فرح يدخل احمد مكتبه ويخرج شنطة هدايا للمرضى يعطى لمن يرسم الوان وورق ولمن يلعب العاب جديدة ويعطى للبعض ملابس
م 9 ل \ د احمد فى غرفته فى منزله
احمد جالس على سريره يكتب
صوت داخلى احمد : اكتر حاجة بتفرح الواحد لما يحقق نجاح فى شغله
اهتمامى بحالة فرح هو تحدى لنفسى ان اعمل اللى محدش غيرى قدر يعمله فى المستشفى فكرة الكتكوت اثبتتلى ان البراءة زى ما هى نقطة البداية فى حياتنا ممكن تكون النقطة اللى ترجعنا نحب تانى الحياة اكيد حالة فرح هتفيدنى لما اقدم على رسالة الماجيستير بس السؤال ايه الخطوة الجاية ايه تانى ممكن يخلى فرح تحب الحياة
م 10 ن \ د احمد فى طرقة الطابق الثالث فى المستشفى
احمد ياتى من بعيد يجد عم جابر امامه
احمد : ازيك يا عم جابر
عم جابر : ازيك انت يا دكتور احمد ربنا يكرمك يا بنى ويفرحك زى ما فرحت العيانين
احمد : بحاول اعمل اللى عليا يا عم جابر علشان لم اقبض مرتبى اخر الشهر احس انى استاهله وعملت بيه حاجة
عم جابر : ربنا يوفقك يا بنى اللى عملته لفرح ده لوحده انجاز بس خلى بالك فى الخطوات الجاية مش كل مرة ممكن تيجى معاك صح
احمد : اهو بحاول ادعيلى يا عم جابر

م11 ن \ د غرفة فرح فى المستشفى
يدخل احمد غرفة فرح ويفرغ شنطته على سرير فرح وفرح جالسة على كرسى وعلى يدها الكتكوت وهى ساكنة بابتساة طفيفة ويخرج كتب رسومات والوان واوراق ويترك الغرفة
Zoom in على ساعة الحائط يتحرك العقرب ساعتين
يدخل احمد غرفة فرح يجدها ترسم الكتكوت بحرفية كانها كانت فنانة تشكيلية يبتسم احمد ويقترب من فرح وهى على سريرها وترسم
احمد : انتى بترسمى هايل انتى اكيد خريجة فنون جميلة
تكف فرح عن الرسم وتسرح قليلا
م 12 ن \ د مرسم فرح الرشيدى
فرح تلون لوحة صورة علاء
علاء : ايه ده هايل بقى انا حلو كده
فرح : انت احلى طبعا بس بجد عجبتك
علاء : جميلة زى الفنانة اللى رسمتها يا رتنى كنت فنون جميلة زيك كنت رسمتلك صورة
م 13 ن \ د غرفة فرح فى المستشفى
تعود فرح لمواصلة الرسم واحمد مازال واقف امامها مندهش
احمد : انتى افتكرتى ايه قوليلى ساعدينى علشان اقدر اساعدك
تترك فرح الرسم وتطعم الكتكوت
احمد : هاسيبك دلوقتى وعايزك تعرفى ان انا هنا علشان اساعدك ومستعد اساعدك على قد ما اقدر – – يخرج احمد

م 14 ن \ د النادى ملعب الجولف
احمد فى النادى مع صديقه عصام وهيثم
هيثم : محدش بقى يشوفك يا عم احمد ايه اللى شغلك عننا
عصام : اكيد كتكوتة جديدة
احمد : انت عارف كويس انى مليش فى الجو بتاعك ده
عصام : عارف بس قولت يمكن
تأتى منى من بعيد وتقف امام احمد
منى : اخيرا شوفتك يا احمد ولا بتتصل ولا بتسئل ومعرفش عنك حاجة احنا مش كنا زمايل
احمد : معلش يا منى اسف والله اصل الشغل واخد كل وقتى انا كنت هكلمك انهارده
منى : هعديهالك المرة دى انت عامل ايه
احمد : الحمد لله
م 15 ن \ د غرفة فرح
يدخل احمد ومعه عامل يضع شاشة تليفزيون ودش
يضعهم ويشغل احدى القنوات فيلم حبيبى دائما ويخرج تشاهد فرح الفيلم يمر الفيلم على الشاشو ويخلص فى دقيقتين وعند نهاية الفيلم ترمى فرح احد الكتب فى الشاشة لتكسرها
ياتى احمد مسرعا من مكتبه ليدخل غرفة فرح
ليشاهد شاشة التليفزيون مكسورة
فرح : انت هتفضل مستحملنى لغاية امتى

احمد : اللهم صلى على النبى انتى نطقتى قوليلى عايزة ايه انا الدكتور بتاعك
فرح : انا مش عايزة حاجة من الدنيا الوحشة دى
احمد : انا عايز اعرف ايه حكايتك لو ما يضايقكيش احكيلى ارجوكى احكيلى ياما اقتنع واسيبك زى ما انتى عايزة ياما افضل وراكى لحد ما تخفي خليها على الله وفضفضى علشان على الاقل ترتاحى
فرح : ونعمة بالله
م 16 ن \ خ شاطىء اسكندرية
فرح جالسة على الشاطىء تحت الشمسية تخرج فريدة من البحر تنشف بفوطة من شنطتها تحت الشمسية
فريدة : ايه يا بنتى منزلتيش البحر ليه المياه جميلة
فرح : حاسة انى تعبانة شوية
فريدة : ايه هو الحيوان ده اتصل تانى
فرح : رامز لا ما اتصلش انا بس عايزة اقعد قدام البحر واتئمل جماله
فريدة : امال فين بقية الشلة
فرح : بيلعبو كورة هناك ونهى وسلمى بيلعبو ركت الناحية دى
( تمر عرافة على الشاطىء تستوقف الناس والجميع يرفض ان تقرئله الكف ) انتى يا ست تعالى ( تقترب العرافة من فرح )
العرافة : اذيك يا بنيتى
فرح : كويسة ممكن تشوفيلى الكف
العرافة : بس ديرى بالك انا مو بعرف اقول كلام زين الا اللى يقراه الكف وتشهدله العين
فرح : يعنى ايه انتى مش هتقوليلى شوية تخرايف وهتلاقى السعد على بابك بعد نقطة او نقطتين والكلام ده
العرافة : مش هقول الا لو رئيت فى الكف مصيرك يا بنيتى موشوم على الكف وبيدى انبشلك واكشفلك الخف
فريدة : قومى يا ولية يا خرفانة من هنا
فرح : استنى بس يا فريدة ماشى شوفيلى الكف ( تخرج العرافة زجاجة حبر احمر يميل الى الدم وقلم ريشة ) انتى هتعملى ايه
العرافة : ما تعارضينى واذا بدك خير ما تخالفينى ( تمسك العرافة الريشة وتكتب على يديها احرف غير مفهومة
فريدة : انتى بتعملى ايه يا ست انتى
فرح : استنى بس يا فريدة ( تنتهى العرافة من الكتابة ثم تخرج العرافة من جعبتها قطعة قماش تلفها وتربطها على يد فرح ) طب ممكن افهم عملتى ايه
العرافة دجيجة والحبر يسيل وما يبجى غير الدليل ( تنتهى الدقيقة تفك العرافة ربط القماشة وتظهر اليد والحبر عليها كون علامات غير مفهومة )
العرافة : يا ويلى يا ويلى يا بنيتى
فرح : ايه فيه ايه
العرافة : العذاب والفراق بيكون نصيبك وزى ما ماتت والدتك بيموت حبيبك ( تسرح فرح قليلا )

م 17 ن \ د ريسبشن فيلا الرشيدى
فرح طفلة عندها 9 سنوات تقف امام والدها الرشيدى فى ريسبشن الفيلا
فرح : هى ماما مش هشوفها تانى يا بابى
الرشيدى : قولتلك متجبيش سيرة امك تانى مش عايز اسمع سيرتها احنا
انفصلنا وامك راحت لحالها وبعد كده ماتت ننساها بقى ونعيش حياتنا

م 18 ن \ خ شاطىء الاسكندرية
فرح جالسة و فريدة بجوراها تحت الشمسية
فريدة : فرح فرح
فرح : ها ايه
فريدة : سيبك من كلام الولية المهفوفة دى كذب المنجمون
فرح : صح
فريدة : وبعدين رامز اهو غار فى داهية مطرح ما غار ولو مات يبقى انتى الكسبانة
فرح : صح
م 19 ن \ خ سور الجامعة كلية التجارة
رامز : مش هسيبك ازاى تنسينى بالسرعة دى
فرح : لانك يادوب تتنسى ( يمسك رامز يديها بنصف لوية) سيب ايدى
رامز : مش هسيبك يا سارة وهتكونى ليا حتى لو بالعافية
فرح : انت اكيد مجنون سيب ايدى
رامز : انتى ليا فاهمة سيبنى يا مجنون ( ياتى علاء من بعيد يجد رامز ماسك يد فرح بنصف لوية فيفك يده ويلويها ويضربه لكمة فى وجهه يحاول رامز ضربه لكمة لكن علاء يتصدى للضربة ويضرب رامز لكمتين فيقع على الارض و ينهض وينصرف )
فرح : متشكرة قوى يا استاذ اا
علاء : علاء
فرح : اهلا وسهلا
علاء : بس انا اول مرة اشوفك هنا فى الكلية انتى سنة اولى ولا ايه

فرح : لا انا كنت جاية الكلية هنا لواحدة صاحبتى بس انا اساسا فنون جميلة
علاء : مش تقولى فنانة يا نهار ابيض طب ممكن ترسميلى صورة
فرح : ( باستغراب ) نعم
علاء : بهزر عادى يعنى
فرح : اه
علاء : انا بقى طالب هنا سنة رابعة فى كلية الشعب
فرح : ايه ده يعنى زميل فريدة ا
علاء : اه دى صاحبتى جدا انسانة محترمة الصراحة
فرح : انا متشكرة جدا استئذنك ( تدخل فرح الكلية )
علاء : طب هشوفيك تانى امتى .. مين فريدة دى مش فريدة دى مرات الملك فاروق

م20 ن \ د مدرج كلية التجارة
تدخل فرح المدرج وتبحث عن فريدة بنظرها ثم يقع نظرها عليها فتبتسم وتلوح لها ثم تمر بالبينجات وتحضنها ثم تجلس بجوارها يدخل الدكتور
الدكتور : انهارده محاضرتنا عن الموازنات المحاضرة اللى فاتت ( يدخل علاء المدرج ويفرز بنظره المدرج حتى يقع نظره على فرح فيمر بالبينجات ليدخل ) انت يا بنى (علاء يضع اصبعه على صدره للاشارة لنفسه ) انا يا دكتور
الدكتور : ايوة انت انت داخل زريبة مش تستئزن اطلع بره
علاء : انا اسف يا دكتور ( يرن هاتف علاء يا متختخة لبعرور يضحك المدرج كله ) انا قلت اطلع بره
م 21 ن \ خ كافيتريا الكلية
يدخل علاء الكافيتريا يجد فرح جالسة بجوار صديقتها فيقترب ليسلم
علاء : اذيك يا فريدة عاملة ايه
نها : انا مش فريدة انا نها صاحبة فريدة ( تضحك فرح ضحكة خفيفة )
علاء : منا عارفك يا نها انتى وانعام
نها : انعام مين
علاء : ما نها ومنى اكيد ليكى صاحبة اسمها انعام
( ياتى خمس شباب ومعهم رامز ويضربون علاء على راسه بالعصا الخشبية من الخلف حتى يقع فاقد الوعى )

م 22 ن \ د غرفة علاء فى المستشفى
يستيقظ علاء يجد فرح جالسة امامه
علاء : ايه الا صتباحة العسل ده
فرح : نعم
علاء : خلاص ايه الاصتباحة المش ولابد دى
فرح : مش قصدى انا اسفة
علاء : على ايه
فرح : اللى حصلك بسبى
علاء : لا دى حاجة بسيطة دول كانوا شوية عيال سيس وعلمتهم الادب
فرح : نعم انت ملحقتش تعمل حاجة دول ضربوك ومشيو
علاء : لا لا لا يبقى انتى متفرجتيش من الاول انا مسكت السبع عيال ودغدغتهم
فرح : دول كانوا خمسة مش سبعة
علاء : بجد والله يبقى كان فيه اتنين ثرى دى ( تضحك فرح )
ابتسامتك دى تكفيينى
مشاهد متتابعة لحظية بالموسيقى التصويرية
م 23 ن \ د مرسم بكلية الفنون الجميلة
فرح فى مرسم بالكلية ترسم وحولها الطلاب الاخريين يرسمون
وعلاء يخبى منها الادوات فعندما تدور عليها ولم تعثر عليها تجدها فى يد علاء
م 24 ن \ خ حديقة
علاء ينطق الكرة وياتى باتجاه فرح يلتف ليرى ماذا ترسم يجد قلب
يشبك علاء يده فى يد فرح
م 25 ن \ خ مركب فى النيل
نفس وضع شبك اليد
علاء : مبسوطة مبسوطة معايا
فرح : اكدب لو مقلتش انى اسعد واحدة فى الدنيا
علاء : كنت بسئل ابويا زمان انا ليه عايش عشان عايش هو انا ليه يا حج مش لاقى نفسى
فرح : وقالك ايه
علاء : قالى كلمة غريبة قوى مفهمتاش ساعتها قالى روح دور على روحك وانا انهارده بس لقيتها
فرح : يعنى ايه الكلام ده
علاء : يعنى بحبك
فرح : يعنى كل واحد بيشوف نفسه حاجة لازم يبقاها او يسعى وراها لحد ما تبقى من نصيبه
علاء : وانا شايف نفسى فيكى انتى روحى يا سارة
فرح : (ابتسامة خجل ) وانا كمان قبلك الفيلا الواسعة اللى عايشة فيها كانت متاهة والدنيا كانت زى الساقية اللى بتلف ومتكررة
علاء : طب ودلوقتى
فرح :المتاهة بقت جنينة واسعة كلها ورد
علاء : ده على اساس انى بجيبلك كل يوم وردة
فرح : اه والدنيا بقت سبت فاكهة كبير كل يوم فيها له شكل وطعم ولون
علاء : ارجع بينا يا اسطى وروح على اى جنينة

م 26 ن \ د مكتب فيلا الرشيدى
فرح واقفة امام والدها وهو جالس على مكتبه فى غرفة مكتبه
الرشيدى : خير يا فرح ايه هو الموضوع المهم اللى عايزانى فيه
فرح : فيه واحد عايز يجيي يقابل حضرتك
الرشيدى : اه مفهوم مفهوم هو مين من عيلة مين
فرح : هو حضرتك متعرفش عيلته هو اسمه علاء معيد فى كلية تجارة
الرشيدى : عالعموم خليه يجى يقابلنى يوم الخميس الجاى واشوف
م 27 ن \ د المدرج
تدخل فرح المدرج و علاء يشرح للطلبة
علاء : يبقى عرفنا ايه هى مبادىء المحاسبة … ايه فرح فيه ايه
فرح : احلى خبر انت معزوم عندنا يوم الخميس الجاى فى الفيلا علشان تقابل بابا
علاء : ده احلى خبر سمعته فى حياتى
م 28 ل \ خ بوابة الفيلا
يرن علاء جرس يفتح البواب البوابة
البواب : مين حضرتك
علاء : انا علاء
البواب : اتفضل البيه مستنيك جوه
م 29 ل \ د مكتب الرشيدى
يدخل علاء غرفة المكتب ويقف امام الرشيدى
الرشيدى : اقعد يا ابنى
علاء : انا اتشرفت جدا بمقابلة حضرتك
الرشيدى : الشرف لينا يا ابنى انت بشتغل معيد صح
علاء : تمام فعلا يا فندم بشتغل معيد فى كلية تجارة
الرشيدى : عندك املاك شركة مصنع فدادين اى املاك تحسن دخلك
علاء : لا يا فندم انا معنديش املاك غير الشقة اللى عايش فيها اللى ورثتها من المرحوم والدى
الرشيدى : هو سؤال سخيف لكن مرتبك كام
علاء : الف جنيه يا فندم
الرشيدى : انت لو مكانى وعايش فى مستوى زى ده وعندك بنت وحيدة
واتقدملها عريس زيك مرتبه الف جنيه توافق انت عارف الكلب اللى عند البواب اكيد شفته
علاء : شفته يا فندم
الرشيدى : عارف اكله بكام فى الشهر عشر الالاف جنيه
علاء : مفهوم يا فندم مفهوم تشرفت بمعرفة حضرتك
الرشيدى : الشرف لينا انا عايزك تعتبر فرح اخت لك مش اكتر
علاء : مفهوم يا فندم
م 30 ل \ خ بوابة فيلا الرشيدى
يخرج علاء من البوابة وينظر الى الكلب ويكمل سيره
م 31 ن \ د مدرج سيكش كلية تجارة

علاء : كنت طلبت منكم المرة اللى فاتت حل تمارين سبعة وتسعة فى حد فيكم وقف قصاده حاجة ( يدق الباب ) ادخل ( تدخل فرح ) فرح
فرح : انا مستنيك تحت فى المكتب بعد ما تخلص المحاضرة علشان نتكلم
م 32 ن \ د مكتب علاء
فرح جالسة امام علاء فى مكتبه
فرح : استسلمت بالبساطة اتخليت عنى وانا كنت فاكرة انى كل حاجة فى حياتك
علاء : مفيش بايدى حاجة اعملها
فرح : لا بايدك نتجوز
علاء : نتجوز
م 33 ن \ د غرفة فرح فى المستشفى
احمد : وحصل ايه بعد كده
فرح : مش قادرة اكمل دلوقتى
احمد : على راحتك تحبى تسمعى مزيكا هادية ( يقوم احمد باتجاه الكاسيت لتشغيله
فرح : ماشى
احمد : تحب تسمعى حاجة معينة
فرح : اى حاجة اختيارتك بتبقى مناسبة

م 34 ل \ خ كافيه فى المهندسين
احمد سارح قليلا وهو جالس مع اصدقاؤه هيثم وعصام ويلاعب هيثم شطرنج
هيثم : كش ملك احمد كش ملك احمد
عصام : احمد فوق يا بنى مالك
احمد : مفيش سورى يا جماعة
م 35 ن \ خ المستشفى طرقة الطابق الثالث
يرى احمد المذيع وائل الشرشابى على نقالة يدخل عنبر خمسة يجد عم مغاورى واقف على باب العنبر فيذهب نحوه
عم مغاورى : لا حول ولا قوة الا بالله حسبى الله ونعمة الوكيل حتى الراجل المحترم ده
احمد : فيه ايه يا عم مغاورى ازاى استاذ وائل الشرشابى تروح منه كده مرة واحدة انا كنت شفت برنامجه من يومين كان كويس ازاى يعنى هو بقى زى كل حالات عنبر 5
عم مغاورى : اه يابنى ظلم وافترى يا بنى اكيد حادثة متدبرة
احمد : الحادثة توصله انه يحصله دمور فى اعصاب جسمه كلها دى الحادثة اقصى اصابتها معروفة ومتوقعة اللى عنده دى حاجة اكبر من الشلل انا دكتور يا عم مغاورى مش حلاق
عم مغاورى : الله اعلم يا ابنى حصل له ايه

م 36 ن \ د غرفة فرح
يدخل احمد غرفة فرح يجدها جالسة تطعم الكتكوت يحضر كرسى ويجلس بجوارها
احمد : اخبارك ايه انهارده
فرح : كويسة الحمد لله
احمد : عندك استعداد تكملى القصة ولا ايه
فرح : ايوة …

 ……………………………….
الجزء الثانى من المعالجة لسيناريو حرب نفسية الكاتبة \ امل سيد

م 37 ن \ د غرفة نوم شاليه الساحل الشمالى
علاء يقف امام فرح ويملس لها على شعرها
علاء : كل عيد جواز وانتى طيبة يا ست البنات كلهم
فرح : وانت طيب
علاء : احنا مش هنرجع القاهرة بقى انتى فى التاسع وعلى وش ولادة
فرح : لو رجعنا القاهرة وبابا عرف مكاننا مش عارفة هيكون رد فعله ايه
علاء : انا شايف لو روحناله والبيبى معانا اكيد هيسامحنا
فرح : فكرة هايلة يا علاء

م 38 ن \ د فيلا الرشيدى
الرشيدى واقف فى غرفة مكتبه يرن الهاتف يرد
الرشيدى : ايوة يا غراب فيه اخبار ها مستشفى مستشفى ايه لا متعملوش انتو اى حاجة انا غيرت التخطيط سنة بدور عليهم دلوقتى رجعو القاهرة وبقو فى ايدى سلام يا غراب خليك على تليفون
م 39 ن \ د امام غرفة فرح المستشفى
يأتى الرشيدى من بعيد فيراه علاء فيشعر برهبة
علاء : ا أ ا
الرشيدى : متقولش حاجة ربنا يقومهالك بالسلامة يا جوز بنتى بيتكم مستنيكم علشان تيجىو وتنوره
علاء : انا مش عارف اقول لحضرتك ايه بس حضرتك زى والدى الله يرحمه وانك تسامحنا وتكون جنب فرح فى وقت زى ده … ده اكبر جميل فى عمره ومش عارف هرده ازاى انا من انهارده اتمنى تعتبرنى ابن حضرتك واى خطوة فى حياتى لازم حضرتك تكون راضى عنها
الرشيدى : انت اخلاقك عالية يا علاء وانا مكنتش هلاقى احسن منك عريس لبنتى اودتها فين بقى علشان اطمن عليها
علاء : اتفضل يابابا انا هوصل حضرتك
م 40 غرفة فرح مستشفى الولادة
يدخل علاء ومعه الرشيدى وهو مبتسم
فرح : انا مش فاهمة حاجة
الرشيدى : بيتك مستنيكى يا حبيبتى انتى وجوزك وابنك
فرح : انا مش مصدقة بجد انا اسعد انسانة انهارده
الرشيدى : لا صدقى يلا قوملنا بالسلامة علشان بيتكم مستنيكم
علاء : دايما بجيبلك الاخبار الحلوة والناس الحلوة كمان
م 41 غرفة فرح
دكتور احمد جالس على كرسى بجوار سرير فرح
احمد : سكيتى ليه
فرح : لانى عارفة بابا كويس مصدقيتش اللى حصل لكن حاولت اصدقه كنت عارفة ان ده الهدوء اللى بيسبق العاصفة
م 42 غرفة فرح مستشفى الولادة
فرح نائمة على السرير مبتسمة وبجوارها الطفل ياتى علاء ويحمله
علاء : مين الوحش ده
فرح : وحش مين ده زى القمر زى باباه
علاء : لا هو لو زى القمر يبقى زى القمر شبه فوفة فروحة فرحة عمرى كله
م 43 ريسبشن فيلا الرشيدى
تدخل فرح وعلى يديها الولد وبجوارها علاء وفى يده حقائب السفر
الرشيدى : حمدلله عالسلامة نورتو غراب تعالى خود الشنط
( يأتى غراب من خلف علاء ويقوم بقطع عنقه ثم ياخذ الطفل عنوة من فرح ويقوم ايضا بقطع راسه وفرح تبكى ومذهولة )
الرشيدى : زيك زى امك زى ما امك خنتنى انتى هربتى واتجوزتى من ورايا انا مش هقتلك كفاية الدرس اللى اخدتيه دلوقتى

م 44 غرفة فرح المستشفى
احمد جالس بجوار فرح
فرح : وجيت هنا ) فرح فى اعينها البكاء تضحك ) عارف الكتكوت اللى انتى جايبهولى كان عندى زيه وانا صغيرة بس مات كل حاجة حبيتها كان مصيرها الموت
احمد : زى ما فيه حاجات كتير بنفتكرها وبتزعلنا فيه حاجات اكتر لازم نفتكرها نفرح نعم ربنا كتير علينا ابسطها نعمة الصحة اننا بخير مش علشان حاجة فى حياتنا ضاعت يبقى كل حياتنا ضاعت
فرح : انت فرحت كام مرة فى حياتك وكان ايه السبب
احمد : فرحت لما نجحت فى اول اعدادى وبابا جابلى العجلة اللى كانت عجبانى فرحت لما ماما الله يرحمها كانت بتحكيلى الحواديت قبل ما انام لما كانت بتاخدنى الملاهى
فرح : وانت كبير فرحت اقولك انا كل اوقات الفرح فى حياتنا اغلبها واحنا صغيرين فرحة نجاح فرحة جزمة جديدة فستان جديد بنطالون جديد فرحة فسحة حلوة وانت مع اهلك فرحة هدية جميلة كل الحاجات دى كانت بتفرحنا زمان لكن دلوقتى ايه فين الفرحة واحنا صغيريين بتكون دماغنا فاضية لينا اللى يهتم بينا و اللى يشيل همنا شايفين الدنيا بعين بريئة وبقلوب خضرة بنعيش بس نستمتع ونحلم عشنا النص الحلو واحنا كبار باقى لنا النص التانى من الكوبايا النص الفاضى الحرب النفسية صراع الخير والشر مين جواك هينتصر ضميرك ولا شيطانك هتعيش يمين ولا شمال مفيش فى النص يا يمين يا شمال
احمد : بس خير الامور الوسط واحنا امه وسطية واحنا بنغلط وبنرجع نتوب وربنا بيغفرلنا
فرح : بيغفرلنا الذنوب بتتغفر بس مبتتمحيش طول الوقت عايشين بنفكر احنا صح ولا غلط بس قلوب بتتغير واللى ابات انهارده عايزاه بكره ميلزمنيش انهارده او بكره محتاجة حاجات يعنى محتاجة فلوس والبشر علشان الفلوس بتعمل اي حاجة تتخيلها غش فى اى حاجة تتخيلها الخضار اللى بناكله مسرطن الهوا اللى بنتفسه بيطلقو فيه اخطر الامراض علشان يبيعولنا المصل واسطة ورشوة فى كل حاجة على كل شكل ولون هى دى الدنيا اللى انت عايزنى اعيش فيها
احمد : اه هى دى الدنيا فيه كل حاجة قولتيها بس فيه ربنا معانا فى كل لحظة اقرب لقلبك من الصوت اللى بتسمعيه او الهوا اللى بتتنفسيه ربنا كرمنا على كل المخلوقات حتى ابليس اللى رفض يسجدلنا من ضعفه بيوسسلنا وربنا حامينا منه بقلب وعقل وضمير تلاتة قصاد واحد تفتكرى من يكسب مهما طال الزمن فساد ونفوس ضعيفة واجرام بكل شكل ولون والحياة مستمرة علشان ربنا معانا وعايشين ببركته علينا انا بمدلك ايدى يا فرح بحياة جديدة مفيش حاجة هتقف قصادك
م 45 ن \ د شقة احمد عزام الزمالك
يدخل احمد و فرح ويقفان فى ريسبشن شقة احمد ويضعان الحقائب ارضا
فرح : جميلة قوى شقتك
احمد : جميلة ايه دى مبهدلة خالص ومحتاجة تنضيف هابقى ابعتلك البت عزة تنضفها
فرح : عزة مين يا استاذ امال انا موجودة ليه
احمد : طب اوك
فرح : انا كده هسببلك مشاكل
احمد : لا مفيش اى مشاكل دى شقتى ومبجهاش لان الشقة دى اللى هتجوز فيها وانا راكنها ومبجيهاش خالص لانى لسه مخطبتش ولا هتجوز دلوقتى
فرح : ربنا يوفقك يارب وتلاقى بنت الحلال
46 م ل \ د ريسبشن شقة احمد
يرن احمد الجرس تفتح فرح الباب يدخل احمد يجد الشقة اصبحت مثل قصر صغير لانها رتبت ونظفت جيدا ويجد فرح ترتدى فستان شيك
احمد : الله اما صلى على النبى انا جيت شقة غلط ولا ايه دنا كنت مسميها الخرابة وايه الشياكة والجمال ده كله
فرح : ميرسى
احمد : انا عايز نفس درجة الشياكة دى خلال عشر دقايق لانى عازمك فى اكبر واشيك رستورا فى الزمالك
فرح : انا مش عارفة هشوف جدول مواعيدى يمكن اكون مشغولة بميتنج تانى
احمد : لا والله
فرح : اه والله ( يبتسمان )
م 47 ل \ خ راستوان الزمالك
فرح وخالد جالسان على طرابيزة فى وسط المحل موسيقى اجنبية ثم تبدء اغنية ايامى معاك لهيثم شاكر
فرح : انا مش عارفة اقولك ايه انت عملت الكتير علشانى بس الحقيقة انا عايزة حاجة واحدة ناقصة
احمد : حاجة تانية ناقصة مش كتير كده
فرح : معلش هى حاجة واحدة
احمد : انا بهزر اومرى عايزة ايه
فرح : عايزة اشتغل فى مكتب ديكور او شركة مقاولات الشغل هيملى الفراغ اللى فى حياتى
احمد : طارق صاحبى والده عنده مكتب ديكور وكل كام يوم بيعمل اعلان مطلوب مهندسة اكيد فيه نصيب ان شاء الله هكلمه واشوف
فرح : متشكرة جدا بجد
احمد : ( يخرج احمد موبيله من جيب الجاكيت ويتصل ) الو ازيك اطاروق بنسئل اهو يا عم علشان انت بتقول مبتسئلش انت كنت قولتلى من كام يوم انا المهندسة اللى كنت فى ممكتب والدك مشيت وانه كان عامل اعلان مطلوب مهندسة اختار ولا لسه جدد الاعلان انبارح طب بقولك يا طاروق انا عايز منك خدمة فى مهندسة قريبتى خريجة فنون جميلة بس ما اشتغلتش فى الديكور قبل كده بس هى ذكية وفى اسرع وقت ممكن تتعلم كل حاجة اه بالظبط فوصى ابوك بلاش الاسئلة والامتحانات بتاعته ممكن ربنا يخليك يا حبيبى سلام ( يغلق احمد المكالمة ويضع الهاتف فى جيب الجاكيت ) مبروووووك
فرح : ربنا يخليك ليا وميحرمنيش منك
م 48 ل \ د انتريه هيثم
احمد جالس بجوار هيثم على الاريكة يلعبون ps3 pes 2014 يا ابنى قولتلك هتتقطع دى البرسا
هيثم : ده اسمه حظ يابوحميد اتقل بس وانت تشوف الريال
احمد : يا ابنى تاخد الريال تاخد الارسنال تاخد نفسك هتخسر يعنى هتخسر هى الساعة كام
هيثم : الساعة دلوقتى تلاقيها 6 ونص طب سلام يابوحميد ( ينهض احمد مسرعا ويغادر ) سلام يا اتش
هيثم : يابنى انت لحقت
احمد : معلش هعوضهالك اتاخرت مشوار مهم

م 49 ل \ خ امام عمارة مكتب الديكور
تنزل فرح الدرج وتخرج تجد سيارة احمد
احمد : تاكسى يا هانم
فرح : ليه بس كده تتعب نفسك
احمد : مفيش تعب ولا حاجة اركبى بس ( تفتح فرح باب السيارة وتركب ويسير احمد بالسيارة )
فرح : ليه بس كده
احمد : انا هفضل اوصلك اول شهرين كده لحد ما تكونى دفعتى مقدم عربية
فرح : شهرين
احمد : او تلاتة حسب المرتب
م 50 ن \ خ كورنيش النيل
احمد واقف بجوار الكورنيش ينظر للنيل وبجواره يجلس رجل يعزف على عود ويغنى كنت فين وانا فين
م 51 ل \ د مستشفى عزام مكتب الدكتور احمد
فرح واقفة امام مكتب احمد تجده مغلق بقفل يمر احد الدكاترة تسئله
فرح : لو سمحت هو مكتب الدكتور احمد مقفول ليه
الدكتور : هو ساب المستشفى هنا من اربعة ايام واتفرغ للعيادة بتاعته
فرح : طب ممكن عنوان العيادة

م 52 ل \ د عيادة الدكتور احمد عزام
تصعد فرح الدرج تجد لافتة عيادة الدكتور احمد عزام
م 53 ل \ د غرفة الكشف
تدخل فرح يتفاجىء احمد بدخولها
احمد : غريبة عرفتى المكتب هنا ازاى وده كمان مش ميعاد شغلك
فرح : انهارده المكتب نص يوم فملقتش تاكسى يوصلنى فجيتلك علشان توصلنى وازاى تخبى عليا موضوع العيادة يا دكتور انا حت هفرحلك
احمد : انا مش عارف ازاى نسيت اقولك حاجة زى دى طب انا هقدم اعتزارى بشكل مختلف
م 54 ل \خ امام السينما
تقف العربية وينزل احمد ويفتح الباب الاخر وتنزل فرح
م 55 ل \ خ قاعة السينما
احمد جالس بجوار فرح فى قاعة السينما
فرح : الفيلم حلو جدا
احمد : هايل

م 56 ل \ خ امام السينما
احمد وفرح يخرجون من السينما يفتح احمد باب السيارة وتركب فرح مثم يفتح الاب الاخر ويركب احمد ثم يقود السيارة ويشغل الكاسيت اغنية ادى اللى فى بالى
م 57 ل \ خ كورنيش النيل
احمد وفرح يسيران بجوار كورنيش النيل وخلفهم السيارة
فرح : رجعت عرفت طعم السعادة اللى كنت نسيته من سنين انت عارف انا قعدت فى المستشفى قد ايه
احمد : مش عايز اعرف المهم انك سعيدة مش عايز اعرف حاجة تانى
فرح : انت عارف انا نفسى فى ايه دلوقتى
احمد : فى ايه
فرح : المطرة تمطر علشان ادعى
احمد : وانا كمان ( ينزل المطر فرح واحمد فى وضعية الدعاء )
احمد : دعيتى بايه
فرح : قولت يارب تفضل جنبى طول عمرى ويارب ميفرقناش ابدا
احمد : وانا قولت يارب متحرمنيش من ابتسامتها واجعلنى سبب سعادتها تتجوزينى
فرح : ( فرح فى وضعية دهشة تفتح فمها يحتضنها احمد مع موسيقى تصويرية )

م 58 مستشفى عزام
سياسى جالس امام عزام وخلفه ثلاثة بودى جاردات
عزام : اوامر معاليك
سياسى : انا صديق ليا بلغنى عن عملية الشرشابى
عزام : عملية ايه الشرشابى معملش اى عمليات هو مريض ومرضه ملهوش علاج موت العصب ملهوش اى علاج
سياسى : نصر داغر كلمنى عنك وقالى انك هتساعدنى وهتنفذ المطلوب منك
عزام : اوامر معاليك مين عليه العين
سياسى : عادل غلاب النائب العام
عزام : هى صحيح العملية هيختفى اثرها بعد ربع ساعة وهيتحلم الجلد بالمادة الخاصة اللى عندى لكن المستشفى هتكون تحت عين الحكومة
سياسى : مش شرط تتم العملية فى مستشفتك شقة تبع حبايبنا كانها عيادة تعمله فيها الاسعافات الاولية بعد ما تخبطو العربية انا اللى هقولك يا دكتور ده شغلك
عزام مفهوم مفهوم

م 59 غرفة مكتب الرشيدى
يرن الهاتف يرد الرشيدى
الرشيدى : الو مين ايه بنتى انا انت متأكد انها بنتى انا بنتى فى المستشفى طب هات العنوان
م 60 امام عمارة احمد
تقف السيارة وينزل احمد ويفتح الباب الاخر تنزل فرح يجدان امامهم الرشيدى
الرشيدى : ازيك يا بنتى وحشتينى
فرح : انت عايز منى ايه تانى
احمد : مين ده يا فرح
الرشيدى : مين ده يا فرح
فرح : متخفش مش جوزى ده الدكتور اللى بيعالجنى ايه هتقتله
احمد : فرح مش كده
الرشيدى : هتقسى على ابوكى اللى بيحبك
فرح : انت عمرك محبتنى انت مبتحبش غير الفلوس مبتعرفش غير انك تكبر ثروتك باى شكل حتى لو هتدوس على اى انسان مش مهم مش مهم مين هيموت ومين هيتضر مين هيتيتم المهم رصيدك يزيد فى البنك
الرشيدى : انا هسيبك تهدى وترجعى بيتك
فرح : هنا بيتى واحمد هيبقى جوزى وهعملك محضر بعدم التعرض ليه علشان متحاولش تئذيه
احمد : فرح
الرشيدى : سايبها هى مجروحة وانا مش هحاسبها على اى كلمة بتقولها لازم استحملها
م 61 ن \د غرفة عزام
احمد يدخل غرفة مكتب والده عزام فى المستشفى
عزام : احمد ازيك يا حبيبى ( ينهض ويحتضن احمد ثم يعود ليجلس ويجلس امامه احمد ) دى احلى زيارة يريت تكون هترجع تنور المستشفى
احمد : الحقيقة لا العيادة شغالة تمام الحمدلله انا جاى علشان اقول لحضرتك انى نويت اكمل نص دينى
عزام : ومين البنت اللى عملت المعجزة دى
احمد : فرح فرح الرشيدى
عزام : مين المجنونة انت اتجننت يا ولد
احمد : فرح مش مجنونة وانت عارف كده كويس وانت كشفت عليها وكتبتلها الشهادة واذن خروج بنفسك
عزام : انت عارف دى قع\ت هنا كام سنة علاج نفسى انت عارف الحالات اللى هنا ظروفها ايه ولا بتتعالج ازاى
احمد : انا مش عايز اعرف حاجة انا قررت ومش هرجع عن قرارى
عزام : لو مرجعتش عن قرارك انا هقتلك يا ولد امشى من قدامى مش عايز اشوفك امشى
م 62 ن \ د تراس شقة احمد
فرح تتصل باحمد من الموبيل فى التراس
فرح : الو مال صوتك لا انت زعلان اوعى يكون بابايا كلمك مش بابايا امال فى ايه مال صوتك
م 63 ل \ د ريسبشن فيلا الرشيدى
الرشيدى جالس على الانتريه وفرح امامه
الرشيدى : كنت متاكد انك هتيجى وانك هتسامحينى
فرح : انا مش جاية علشان اسامحك جاية اسئل سؤال انت قابلت احمد او كلمته
الرشيدى : لا بس كان هيحصل
فرح : ابعد عنه ده اخر طلب هطلبه منك فى حياتى ابعد عنى وعنه سيبلنى اللى باقى مننا نعيشه
الرشيدى : حاضر حبعد عنكم
م 64 ل \ د شقة فى عمارة
عزام ودكتورة واتنين ممرضين فى غرفة فى شقة لا يوجد بها الا سرير
دكتور هلال : تمام يا دكتور
عزام : هايل انك اتعلمت لانى دى اخر مرة هعمل فيها العملية دى انت اللى هتعملها بدالى بعد كده يلا خرجوه بره من غير ما حد ياخد باله ولازم كلنا نهرب بسرعة
م 65 ن \ د مكتب الديكور
يدخل احمد مكتب فرح ويقف امامها
احمد : استئذنى دلوقتى حالا علشان هنخرج نشترى كل مستلزمات الفرح
فرح : انا فى الشغل يا احمد
احمد : لو مستئذنتش هدخل انا استئذنلك من انوكل ها
فرح : خلاص هستئذن

مشاهد صغيرة متتابعة مع موسيقى تصويرية
م 66 ن \ خ معرض اثاث
احمد وفرح يشاهدون غرف النوم واحمد يحدث البائع
م 67 ن \ خ محل فساتين الزفاف
احمد وفرح يختارون فستان الزفاف
م 68 ن \ خ محل الذهب
احمد وفرح يختارون الشبكة

م 69 مكتب احمد العيادة
يدخل الرشيدى ويقف امام احمد
احمد : الرشيدى بيه اتفضل اقعد
الرشيدى : لو عايز تتجوز بنتى انا موافق بس بشرط واحد هتعرفه لما تشرفنى فى فيلتى انهارده بالليل وهابعد عن طريقكم للابد ولو حبيتو تزورونى فى اى وقت انا فيلتى مفتوحلكم فى اى وقت

م 70 غرفة مكتب الرشيدى
احمد جالس فى غرفة مكتب الرشيدى يحتسى فنجان القهوة يدخل الرشيدى وجلس على مكتبه
احمد : انا جيت وشربت القهوة ممكن اعرف شرط حضرتك
الرشيدى : ( يخرج الرشيدى من درج مكتبه ثلاثة ايصالات امانة ويضعهم امام احمد ) دول 3 وصولات امانة الوصل بعشرة مليون جنيه يعنى التلاتة ب 30 مليون جنيه ثروتى لو مضيت عليهم هستئمنك على بنتى اللى هتورث ثروتى لو ممضيتش مقدرش اوعدك انك انت وعيلتك وفرح حتى هتكونو بامان انا مش هصرفهم ولا عمرى هسجنك بيهم الا لو غدرت بفرح
احمد : انا ميهمنيش تهديدك و مش خايف منك ولا من وصولاتك همضى على اساس انك بتأمن فرح فعلا هوهم نفسى انى مصدق ده
الرشيدى : عين العقل
م 71 الكوافير
احمد يدخل يجد الماكيرة تضع الميك اب لفرح
الماكيرة : انت العريس
احمد : اه
فرح : احمد
الماكيرة : دخولك دلوقتى فال وحش يا استاذ كنت تصبر شوية احنا مش هنخطفها منك
احمد : محدش يقدر ياخدها منى
فرح : بحبك
احمد : بحبك
الماكييرة : طب امشى انا ولا ايه
م 72 ريسبشن شقة والد احمد
يرن هاتف عزام يخرج عزام الى الريسبشن ويرد
عزام : الو ايه فرح احمد دلوقتى ايوة مكنتش اعرف كويس انك بلغتنى انا عايزك تكلم احمد وهتقوله زى ما بقولك بالظبط

م 73 قاعة الفرح
فرح و احمد يرقصون سلو على موسيقى هادئة ياتى رجل ويهمس فى اذن احمد
احمد : عن اذنك يا حبيبتى تليفون مهم هرد عليه وهرجعلك

م 74 خارج القاعة
احمد خارج القاعة يخرج ويرد على هاتف المحمول مع صديقه
احمد : الو انا احمد ابنه ايه

م 75 السيارة
احمد يقود السيارة ويظهر عليه الحزن

م 76 غرفة فى المستشفى
يدخل احمد الغرفة يجدها خالية ويجد جواب على السرير
عزام : شوفت ازى انى قدرت اجيبك وامنع الفرح انت محبوس فى الاودة دى لمدة 24 ساعة لحد ما اجيب فرح وارجعها مكانها الطبيعى فى المستشفى بس المرة دى عنبر 5 اتمنى تكون فهمتنى وان يكون رجعلك عقلك
احمد: لا اكيد انا بحلم مش معقول والدى يعمل كده مش معقول تكون دى تمثيلية سخيفة مش معقول ( يحاول احمد ان يكسر الباب بجده حديد يصعب كسره )

م 77 غرفة 6 فى المستشفى
تدخل فرح غرفة 6 ويغلق الباب ينقلب الرقم ويصبح 9

م 78 مكتب الدكتور عزام
عزام جالس على مكتبه يدخل صادق
عزام : ها يا صادق الامانة وصلت
صادق : وصلت يا دكتور فى غرفة 9
عزام : طب ابعتلى دكتور هلال
صادق : حاضر يا دكتور
م 79 احدى طرقات المستشفى
دكتور مدحت يسير فى طرقة ياتى صادق ويهمس له فى اذنه ويسير معه

م 80 مكتب الدكتور عزام
يدخل مدحت مكتب الدكتور عزام ثم يجلس
عزام تدخل اودة 9 هتلاقى الحالة هيكون صادق اداها العصير تعمل العملية h4 فى المخ عصب اس 4 جاهز ولا ايه
مدحت : جاهز يا دكتور
عزام : عندك اى اسئلة
مدحت : لا
عزام : طب يلا روح

م 81 ل \ د طرقة امام غرفة 6
يقع نظر دكتور عزام الى رقم 6 وهو مقلوب الى 9 فيقوم بعدله ينظر من الخارج الى نافذة الغرفة يرى فرح تسير فى الغرفة يظهر على وجهه اثار الرهبة والخوف ويجرى الى غرفة 9 يجد مدحت يخرج
عزام : انت عملت ايه عملت ايه
مدحت : شيلت عصب اس فور من المخ
( يدخل عزام ويرفع القماش يجد احمد نائما لا يستطيع ان يحرك اى عصب فى جسده حتى عينه ) احمد انا اللى عملت فيك كده يا ابنى انا اعمى القلب واعمى النظر خليتك جثة وانت عايش شيلت عصبك بايدى يابنى ربنا رد هالى جزانى فيك يا بنى والدكتور اللى اعتمدت عليه جديد فى المستشفى ميعرفش انك ابنى ميعرفش انك ابنى
م 82 حديقة مستشفى الامراض النفسية
فرح جالسة على كرسى متحرك فى حديقة المستشفى وفى اعينها الدموع
الــــــــــــــــــــــــــنـــــــــــــــــــهــــــــــــــــــــايـــــــــــــــــــــة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى