ط
مسابقة الشعر

خاص بمسابقة العامية (ذكرياتى ) للشاعر محمود الشريف

{{ للمسابقة}}

ذكرياتي
***
لسه فاكر ذكرياتي
اللي عدت من سنين

كل همسة وكل لمسة
يوم بفرحة ويوم أنين

لسه فاكرك لسه شايفك
بنت لابسة المريلة
وابتسامتك فوق شفايفك
والعيون متكحلة
كنتي ف عيوني الصبية
أما انا كنت الولا

اللي يستني معادك
لجل يسمع كلمتين

لسه فاكر ذكرياتي
اللي عدت من سنين
**********

كل يوم بيعدي كنتي
جوة عيني بتكبري
كنت باقدر ع لليالي
وانتي كنتي بتقدري
كان منايا تكوني ليا
كنت عايزك تصبري

لكن المكتوب يادنيا
نمشي فيكي في سكتين
لسه فاكر ذكرياتي
اللي عدت من سنين
************
لسه فاكر يوم وداعك
قلتي يومها دي النهاية
انتي بعتي وقلبي باعك
وانتهت كل الحكاية
وافترقنا وابتدينا
كل واحد ليه بداية

ويا غيرنا بس لسه
في القلوب حبة حنين
لسه فاكر ذكرياتي
اللي عدت من سنين

محمود الشريف

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange