ط
مسابقة الشعر

خاص بمسابقة العامية (صندوق الذكريات) للشاعر محمود رضا ..مصر

خاص بالمسابقة
،،،،،،،،،،،،،،،،،،،،

{{ صندوق الذكريات }}

جوه كل حد فينا
تلقى صندوق ذكريات
ومهما بنقول اتناسينا
بنفتحه نعيد اللي فات
و الحكاوي كتير و ياما
دمعة صادقة أو ابتسامه
ويا احلام التمني ،،،
ذكريات قولنا نسيناها
أو جراح وعديناها
ويا قلب حزين يغني ،،،
وكل فتره نلاقى روحنا
جوه سحره نتوه ونسأل
ليه عشقنا وليه انجرحنا
و الهموم عــ الكتف تتقل
اه صحيح ممكن نلاقى
بين دموعنا ضحكه صافيه
ويا شوق ساعة تلاقى
جوه حضن لــ لمة دافيه
بس برضو البرد غالب
عــ الدفا وقت الغرام
وكل شيئ مكتوب ، فــ حاسب
و أهدي للذكرى ،، السلام

محمود رضا ـــ القاهره / مصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى