ط
مسابقة الشعر

خاص بمسابقة العامية ..قصيدة ( جوَّه الكتاب ) للشاعر / حلمى قاسم من مصر

خاص بالمسابقه 
عــــاميه
“جوه الكتاب”
*****
من صغرى وانا عندى هوايات

وبحب اجمـــع فــ الحاجات

وبحن للماضــــى الجميل 

واعشق حديث الذكريات

و تملـــــى بسرح وافتكر

ايام طفــولتى والى فات

وعشان اعيش التجربه

عنـــــــدى فـــ بيتنا مكتبه

مليانه.. ايــوه… مكركبـه

بقعد معاها بالساعـــــات

وســـــط الخرايط والكتب

وصـــورى القديمه واللعب

مع كام قلم جـــوه العلب

واكـوام ورق على كراسات

وفــ مره كنت اقرا فـ كتاب

بصيت لقيت جــواه جواب

شكله قـــديم وعليه تراب

بمــــــد ايدى و افتحه

قلبى اتخطف والعقل غاب

وصابتنى حاله من الثبات

نزلت دمــــوعى ملهلبه

فوق الخدود متسرسبه

رعشت شفايفى اتألمت

والاه فــــ صدرى اتكلمت

ولسانى تاه ف بحور سكات

واللى انكتب جوه الجواب

بعـــد السلام حبة عتاب

على كام وحشنى كتير يا صحبى

وليه ما تسأل ع اللى غاب

هو الـــــى بينا كان سراب؟!!

اصل الى كان كاتب الجواب

صحبى وصديقى بس مات

مات لكنه لسه حـــــى

جـــــــوه منى كلامه ضى

دا اللى عشت معاه سنين

زيهــــــا مالقتش زى

وبعــــدها عشت فــــ آهات

ورجعت تانى اقفل جوابه

واحضنه وابكـــــــى لغيابه

دا اللى مات مــع انه لسه

شاب وفـــ ريعــــان شبابه

محترم حلـــــــــو الصفات

الف رحمة ونور يا خلّـــى

بذكــــرك بالخير تملّــــــى

ياللـــــى كنت معايا ضلّى

الف رحمه يا حلـــــم مات
**********
قلم/حلمى قاسم من مصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى