ط
الشعر والأدب

.سيجال وطنى بين الشاعر (خالد الكردى ).و(امل فرج).. ……………..مصرفوق الجميع…………

..10955201_1693340020892638_1169578642159125773_n
*******************************************
خالد

لما الدموع تجرح خدود الامهات
وسط الزحام تسمع اهات
والام تنده لابنها يقولولها مات
………………………………….
امل

والاب شاف الحلم منه بيتسرق
لما ف يوم جم وقالولوا ابنك غرق
غرق ف دمه وكان بيحرس ف البلد
يبكي وينده الف صوت اه ياولد
………………………………….
خالد

والام تكتم حزنها مع انها
فقدت وليدها وحلمها
ويكرموه ويكفنوه برغم الالم
وتشوفوا ملفوف بالعلم تصرخ سكات
…………………………………….
امل
والاب يسال عن دليله
ونفسه يعرف لـ فين راح
سأل قالولوا ابنك شهيد
بطل وكان نور للصباح
…………………………………..
خالد

والام تسأل يبقي مين
ومن الشمال ولا اليمين
ماهو برضوا يبقي ابننا
كان مره واقف جمبنا
…………………………….
امل

والاب قال ابني شهيد يامحترم
مدفون علي ارض الهرم
اوعوا تقولوا ابني مات
وابني حاضن للعلم
…………………………
خالد

الام شافت من بعيد
زفه بشكل ولون جديد
مابين بكاء وبين عويل
قالوا العريس اصله الشهيد
……………………………..
امل
الاب شاف ابنه وباسه
وبايده رفعه فوق كتافه
كان خوفه اكتر ع البلد
والخوف ده راح ساعة ماشافه
…………………………..
خالد

ابنك معانا وكان هنا
واقف معانا ف وسطنا
كان صقر واقف وسطهم
هم البلد قال همنا
……………………………..
امل
ابنك فارس وبريش صقور
وهما فران ف الجحور
اوعى تعيشي جوه ضلمه
لوحتي سال الدم بحور
………………………………
خالد
حقه اكيد ده يهمنا
هنجيبه لينا كلنا
رغم انه ف الجنه شهيد
يامصر دمه عندنا
………………………………….
امل

نار وقايده وفينا جرح
ولا فيوم نرضى بصلح
مصر ماهتسامح جبان
تاركم هناخدوا و يبقي فرح
……………………………………..
خالد
اوعي تقول اني هاسمحك
ودم ابني مغرقك
ولا يوافق يوم واصالحك
والبركه ف اللي فرقك
……………………………………
امل

ابني شهيد ايوه تمام
غدروا بيه ف عش الحمام
مايقدروا لوكان قصادهم
واحنا ورانا جيش همام
………………………………….
خالد
جيشنا وراه شعبه العظيم
مايهمهوش مليون لئيم
لوكل يوم هيروح ولد
ويكون سبب واحد غشيم
………………………………
امل

ابني حلف اليمين ومات
وراسه اكرم م السكات
فاماتقولوش انه اتقتل
مبتفهموش معني الاهات
………………………………
خالد
مين اللي قال ان الشهيد
ممكن يقولوا عليه ده مات
بس الفراق هو الحداد
ومتعرفوش ليه السكات
……………………………………..
امل
يامصر ليه تميلي راسك
ولادك عايشين باحساسك
حالفين لا الفرحه بكره تعود
فداكى الدم لترابك
…………………………………….
خالد
نجومك ف السما عاليا –
—– ياست الكل ياغالية
– فداكي عمري يابلدي —
— وحبك شايله ف عينيه

مع تحيات الشاعر خالد الكردى والشاعرة امل فرج

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange