ط
مسابقات همسهمسابقة الشعر

في الاحلام..مسابقة العامية للشاعر سعيد الحاطى من مصر

خاص بمسابقة همسه للفنون والاداب الشعر العامي
الشاعر:السيد سعيد محمد الحاطي
وشهرته السيد الحاطي

قصيدة في الاحلام

في الاحلام
دا….
وانت جنبي
باحس اني
مالك الدنيا
ومافيها
وكمان كأني
وانتي جنبي
ربنا بيرضي
عني

احلي مافي الدنيا
ياروحي انتي
انتي احلامي ومنايا
وكمان حبيبتي
يعني ساكنه ف
حضن قلبي
مهما غيبتي
يعني ناري وجنتي
يعني هنايا ف
عز ضيقتي
يعني العيون السهرانيين
يعني الجفون الدبلانيين
يعني الحنين ليكي ف
حضن قلبي مهما غيبتي

في احلامي حاجات
كتيره متتصدقش
وحاجات كتيره مش
اد حبي تتحلم متتحققش
ولو حد غيري
حاول يقولها
يقف عقله فميتجرأش

حاجات اكبر م العقل
ومن الجنون
حاجات
متشوفهاش العيون
ولا تخطر علي اي
بال ولا يساعها
الف كون
حاجات جوايا انا
شايلها ليكي ومخبيهالك
في العيون

وغصبن عن كل الأحبه
انا اللي حبيتك زياده
ولو رجعوني احب تاني
من جديد هاحبك انتي
في الاعاده
وحبي ليكي عدي كل
حدود الهوي ولسه
ياحبيبتي قابل للزياده
وكل يوم هاعيشه
هاعيشه علشان احبك
وابني في قصور السعاده

دا وانتي في احلامي
باعجز عن التفكير
واعجز عن التوصيف
باتأمل بس فيكي
وافرد حبي عليكي
يرسم ع الارض ضلك
يرجع ف ضلوعي سيف
ينخر جوايا فاتكلم واقول
كلام عاقل بس مش معقول
يجدد ربيع حبي
ويحول شتايا لصيف
ويخليني في عز احلامي
احلم بحلم تحلميه وتسمحيلي
ف حلمك لو حتي ابقا ضيف

والحلم الوحيد اللي في احلامي
ونفسي ماحلموش
ان انتي تغيبي عني
وان الدنيا السخيفه
باحكامها العنيفه
تصحي الجرح فيا
فالحب يخسرني
مش وانتي جنبي
بابقا بشر فوق البشر
وربنا بيرضا عني
وبابقا مقبول م الحياه
والحياه بتجيني شايله
سرها لما تقابلني
مش انتي مصر
ومصر يعني كل حاجه
بره مني وجوا مني
*********

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange