مسابقة الشعر العامى

قصيدة (إلى إرهابى) مسابقة الشعر العامى بقلم / حمدى الهادى

قصيدة
إلى ارهابى
شعرحمدى الهادى
مسابقة شعرالعاميهhttps://www.facebook.com/profile.php?id=100000345960895
….
خليك فاكر خليك فاكر
وانت بتقتل أخوك المسلم
برصاص غادر
خليك فاكر خليك فاكر
إن مصيرك هوّ جهنم
خالد فيها وإنك خاسر
خليك فاكر خليك فاكر
إن زوال الكعبه دا أهون
عندالله من دم المسلم
وان مصير الغادر مُظلم
ارجع بقى عن سوء أفكارك
سيْدنا النبى وصّاك على جارك
حتى ان كان مش مسلم برضو
مش من حقك تنهش عرضو
وتنهب ماله وتسفك دمّه
حاذر حاذر
انت بدينك كده بتخاطر
يوم الآخرة ويوم الحسرة
تيجى بدم برئ متحاصر
الاسلام اللى انت فهمته
فهمك خاطئ
الاسلام رحمه وتسامح
والدين شاطئ
ترسَى عليه أنفسنا التايهه
وسط ضباب الكون الهادر
الاسلام أنوار وسنابل
مش أحزمه ناسفه وقنابل
الاسلام علمنا نقابل
حتّى الشر بأصفى مشاعر
والقرآن الشافى الطاهر
قال لك اقرأ
ومقلكش إقتل وإحرق
قال لك فكّر
ومقلكش فجّر دمّر
قال لك عمّر
وازرع خير تحصده فى الاخر
واعبد ربنا وادّيه حقه
ومتقعدش تصنف خلقه
ده مش مؤمن
ودا قال كافر
ودا فاسق ودا فاسد فاجر
ودا مش رح يورد على جنه
ودا ملحد ودى لبسها سافر
تحكم ليه ع الناس بالظاهر
سيب الخلق ياشيخ للخالق
ربنا غافر
ربنا شايف ربنا عارف
مين البر ومين الفاجر
ايه المخفى وايه الظاهر
ربنا قادر
يخسف أرضه بكل الظلما
مش مستنى جنابك تفسد
كونه العامر
تطلع مين انت عشان تعمل
نفسك رب
ناهى وآمر
تطلع ايه انت عشان تنزل
فى الناس سب
ودبح مجازر
فكرك فيك يكفيك ماتشوفش
عيوب الخلق وتنسى عيوبك
اصْلح نفسك انت الاول
دوبك تُستر عيبك دوبك
بايع عمرك ليه بالساهل
ضحكو عليك الجهلا ياجاهل
ملو افكارك سم ودم
وهيرموك فى جهنم باطل
توب واستغفر
وارجع طهّر
فكرك من دا الفكر الكافر
خليك فاكر خليك فاكرالدوله مصر ت 01033873224
حمدى الهادى

Facebook Comments Box

فتحى الحصرى

فتحى الحصرى .كاتب ومصور وصحفى عمل لأكثر من ربع قرن بالمجلات اللبنانية الشبكة وألوان ونادين . صاحب دار همسة للنشر والتوزيع .وصاحب موقع مجلة همسة ورئيس ومؤسس مهرجان همسة للآداب والفنون

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
Secured By miniOrange