قصيدة : أسير حبك . مسابقة الشعر العامى بقلم / محمد رجب السيد

شعر العامية

الاسم محمد رجب السيد

اسم الشهرة محمد رجب

اسم الصفحة على الفيسMohamed Ragab

الإيميل mohamed ragab 9466@ Gamil.com

العنوان الشرقية مدينة العاشر من رمضان

قصيدة اسير حبك

احبك وإنت فاكرانى

واحبك وانت ناسيانى

واحبك وانت شاريانى

واسامحك وانت بايعانى

وقلبى برضه يشتاقلك

وهو فى حبه بيعانى

ورغم إن الجفا طبعك

احبك ..برضه من تانى

بقاسى المر من قربك

ومرك حلو فى لسانى

تشوفينى فى سواد عينك

ومش بالقلب شايفانى

يهون عمرى واكون جنبك

وليه ياحبيبتى هجرانى

واحلف إنى ماارجعلك

الاقى السكة واخدانى

لنبع حنان ينادينى

وتسقينى ياوحشانى

واكون ليكى اسير حبك

واتمناكى سجانى

دموعى تبتسم لما

الاقيكى فى أحضانى

ونسمة نيلك الصافى

بتعزف احلى الحانى

ترابك كحل لعيونى

وقلبك هو عنوانى

وصفت السحر فى ربوعك

فداب السحر فى هواكى

قناديل الضيا غنت

تاريخ الدنيا وياكى

حبيبة القلب يابلدى

ياشاغلة الكل بهواكى

ونقطة من عسل نيلك

تخلى الخلق عشقاكى

نغيب عنك تنادينا

نلاقى قلوبنا سمعاكى

يامصر انت وطن فينا

يعيش يتغنى بغناكى

ويفنى الكون ولاتفنى

عيون المولى حفظاكى