ط
الشعر والأدب

متعرفنيش ..قصيدة للشاعرة السكندرية . آلاء العشرى

آلاء العشرى
قصيدة للشاعرة الأسكندرانية الرااائعة .. آلاء العشرى 

تقديم/ نادو فتيحة
.
متعرفنيش 
……..
وياللى انت متعرفنيش ولا عارفاك
امانه عليك ما تجرحنى
انا بقلبى هكون مالكاك
وقلبى ده حتى مش ملكى
ده ملك هواك
بتستغرب ليه اكمنى
مشوفتكش وبقيت منى
هقولك كلمتين واسمع
حبيبى اياك ف يوم تخدع
واوعى حبيبى مره تخون
انا قلبى ف ايديك هيكون
وهتكون انت يا ملاكى
حياتى وكل املاكى
اقولك ..نفسى برده اكون
انا ملكه هواك ف الكون
ومن حقى اغير برده عليك حبه
واخد منك عيون قلبك
عشان غيرى مهيش حابه
وتيجى عشان تقول هاتى
فاقولك.. انت ليك حبه وانا حبه
تقولى هاتى طب عينك .. فمرضاش
لانك فيها تتخبى
وتحسدنا العيون نهرب
ونبقى لوحدنا حبه
تعالى احلم تكون منى وانا منك
تعالى نفسى انا ابنى يكون ابنك
حبيبى انت .. وانا حبك
يا جاهل اسمى ومكانى
انا مكتوبلى اكون جنبك
تخيل كل ده وليسه
مشوفتش انت مين ومنين
حبيبى لما تعرفنى
راح املا باسمك الدواوين
وهكتب اسمنا مره مع العاشيقين
ومره جوه على قلبى
انا هرسم بقه الحرفين
…………

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange