ط
أخبار النجوم

هشام عاشور عن طلقيه من نيللي كريم ” مكنتش واصل لأقصى إمكانياتي “

قال الفنان هشام عاشور إن طليقته النجمة نيللي كريم توقعت توجيه انتقادات له بعد زواجهما، من نوعية أنه يحاول الاستفادة من شهرتها من أجل تحقيق التقدم في مسيرته الفنية.

وأضاف خلال لقائه مع الفنان إدوارد ونانسي مجدي في برنامج “القاهرة اليوم” المذاع عبر قناة ألفا: “في آخر فترة من علاقتنا قررت أعمل فيديوهاتي وأنشرها بقوة، نيللي شيك جدا ولها الحتة بتاعتها، وأنا كنت مش عايز أجرب أعمل حاجة تبقى مش مظبوطة ولها تأثير عليها”.

وتابع: “مكنتش واصل لأقصى إمكانياتي ومش قادر أدوس في حاجات معينة، دلوقتي دايس بنزين على الآخر”.

وكان هشام عاشور كشف في تصريحات لبرنامج “تفاصيل”، من تقديم الإعلامية نهال طايل عبر قناة صدى البلد 2، كوالس طلاقه من نيللي كريم قائلا: “كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة”.

وتابع هشام عاشور: “قررنا ناخد طريقين مختلفين، لكنها هتفضل حبيبتي وصاحبتي، ودا كلام مفروغ منه، مش لازم كل اللي بيتطلق الحب ينتهي بينهما، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، بس مش عايزة تبقى هنا، لكن مش لازم أن الناس لما تطلق يبقى خلاص كرهوا بعض ومش عايزين يشوفوا بعض”.

يذكر أن نيللي كريم وهشام عاشور انفصلا الجمعة 31 مايو، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.

وهشام عاشور لاعب إسكواش سابق، اتجه إلى التمثيل مؤخرا وشارك في عدد من الأعمال مع نيللي كريم، ومنها مسلسل “عملة نادرة” ومسلسل “روز وليلى”.

مقالات ذات صلة

زر الذهاب إلى الأعلى