سارق
********
يا سارق فرحتي منــي
وتعبني قلبي: إكمـــني
ماعودتوش علي عِندك
فداق المُر : في بُعـــــدك
وأصبح شبه مخاصمني
****
ياسارق ضحكتي بخفــــــه
علي قلبي بقيت خــــــايفه
لا يمشي في سكه اللي يروح
مايرجعشي : عشان مجروح
وحاولتأدوايه ومش عارفه
****
يا سارق نبضه من قلبي
غُلبت معاك :غُلب غُــلبي
لا مني عِشت حبي معاك
ولاقادرة كمـــــان أنساك
وحضنه في وحدتي حبي
****
يا سارق دُنيتي الحلـــوه
وألحاني اللي في الغنوه
محيت ترانيمي مــ النوته
وصبح الحلــــم : حدوته
معاهـــــا بحس بنشوه
****
يا سارق شوقي وحنيني
وسيبت الحيرة تكوينــي
وماهانش عليك تكلمني
ولو كلمة: تطمنــــــــي
دي كلمةواحده ترويني
****
يا سارق روحي م الآخر
خلاص ملّيت علي الآخر
ده قلبي عـ الرضا ناوي
ولخصامنا ماهوش غاوي
فاهمني ولا مش قــــادر!؟
*****
♫ مشاعر ♫
