الـسـلام عــلــيــكـــــم
مرحبا بكم فى حلقة جديدة من
مطـــبـــــ حـــمـــادة ــــــــــــخ
أسهل طريقة لعمل الكابوريا بالبصل والكمون
الكابوريا من الأكلات الجميلة والممتعة اللى كتير مننا بيحب يأكلها , النهاردة هقدمها لكم بطريقة جميلة وسهلة مفيش أبسط من كده , تعالى اعملى معانا كابوريا مسلوقة بطعم يجنن ولا أطعم ولا ألذ منه
المقادير :
كيلو كابوريا
ثمرة بصل
ثمرة فلفل اخضر
ثمرة طماطم
ملح وفلفل وشطة وكمون
فصين توم مفرومين
طريقة التحضير :
ننقع الكابوريا فى مية لمدة نص ساعة ونغسلها جيدا للتخلص من الرمل
هنجيب حلة ونحط فيها الخضروات وتكون متقطعة اربع ونحط الكابوريا والتوابل وربع كوباية مية ونسبها لغاية ما تستوى هى مش بتاخد وقت كتير هتلاحظى ان لونها اتغير بتاخد حوالى ربع ساعة او اقل على حسب حجمها
عند التقديم نصفيها من الشوربة ونحطها فى اطباق التقديم وتزين بشرايح الليمون وتقدم
وبالصحة والهنا…
