تغريدة أنا مين ؟ .. بقلم الشاعر/ أحمد بيومي أنا ده .. يا للي ماتعرفنيش .. أنا عقل وفكر ..وكلمة جميلة .. ووقت سعيد تتمنى إنه ما يعديش ..
أنا إسم وجسم وهيئة وشكل وكمان وش ..
بس ماحدش يوم شافو تعيس ..
تقدر تقول أنا منك ومنها ومنكم وجواكم باعيش ..
انا يوم اقرر أسعدكم …باسعدكم ..
وعنكم أي حاجة ما بخبيش ..
بس اتأخر حبة ..أو قرر ..ما يجيش ..
أنا سؤال صعب عليكم ..
وخايف تكون إجابته في الآخر مافيش ..
ولو ليا إجابه.. تطلع ما تساويش ..
أنا كل منديل بيمسح الحزن اللي في عينيكم ..
أو حبة عرق رخمة على جبينكم ..
انا قلب نابض بالحب وحالف يسكنكم ..
وتعيشوا وأعيش ..
أنا صقر يا اخواننا وناقصنى الريش ..
عرفتوا أنا مين ؟ .. أنا طلعت مفيش ..
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
