خاص بالمسابقه
صفاء محمد عبد ربه
مصر
( عاميه )
إختَرت تِبعِد
*************
إختَرت تِِبعِد
إبعد بِرَاحتَك
إبعِد وسِيبليِ جَرحَك
والمَكر إلليِ في عينيك
وإنتَ بِتِخدَع وتُغدُر
لأجل مايفَكَرنيِ بِيك
إخترت تبعد . براحتك
جرحت . وما جرحتك
وجرحك ببصمة إيديك
معايا ملازمني
عمره مايوم فارقني
دايماً بيفكرني بيك
م هو الذَنب مُش ذَنبَك
الذَنب ذَنبيِ أنا
يوم مابقيت عَليك
ذَنب القََلب إلليِ حَبَك
وضِعِف يوم ماحَس بيك
الذَنب ذَنبيِ أنا
إني وَثَقت بيك
ذَنب الأيام القاسيَه
إلليِ حَوَجِِتنيِ ليك
وقِِناع زايف
خَلاني صَدقتَك وإنخَدَعت فيك
مُش إختَرت تِبعِد !
إبعِد !
ماإنتَ قَلبَك مِِن حَديد
بيقدر يدبَح ويقتل
يرتِِويِِ بالدم
عاشق للمَزيد
روح وإبعِِد كمان
ماهودا طبعك مِن زمان
قادر رَبِِنا يهديك
إبعِِد زَيِ ماإنتَ عايز
ضَميرك مات ؟
يَجوز. جايز
لالا. بل مات أكيد
يوم مابِِعت إلليِ كان شاريك
ويخاف ويموت عَليك
مُش عارفَه أقولَك إيه ؟
مِن بعد ماهونت عَليك
أقول يابَختَك بِقَلبَك
ولا يابَخت قَلبَك بيك
ولاأندَم!!!
أندم عليَّ إختياري ليك ؟
مُش عارفه !!!
واضح إنُكُم مُتَفاهمين
عاملين ذي الديابه
تِِخدَعوا الناس الغَلابه
وع الخِِِسَه مِِِتعَاهدين
روح ياابني
روح وماتفَكَرنيِِ بيك
ماتفكرني ب ناس مُسالمه
عايشه حامدَه رَبِها شاكره
وبالنَصيب والقَدَر راضيين
كل عيبهم . إن وَثَقوا فيك
روح . روح الله يجازيك
قد ماإقترفت إيديك
إنتَ إمتيَّ كُنت بِقِيت
وبِِقيت عَليَّ مِين
إنتَ مَيت مِِن سِِنين
مِِن يوم مابِِعت نَفسَك
للشيطان وقولت آمين
يومها مات فيك الحَنين
ف كِفايه بَقيَّ
كِفايه جِراح وأنين
إرحَم شِِِيب السِِنين
إنتَ عُمرك ماكُنت ليا
ولا أنا كُنت ليك
خَلاص ياإبن الناس
مِِن إمتيَّ عِِرِِفت الإخلاص
والفَرق بين الحَجَر والماس
روح الله يخَليك
حافظ ع إلليِِ مابين إيديك
وإبعِد
إبعد والله شايف
هوا وحدُه إلليِِ عارف
بالليِ إنتَ عَمَلتُه فيا
وإلليِ أنا عَمَلتُه ليك
إبعد ربنا يشفيك
م الشر إلمتمكن فيك
والغَدر إللي ماليك
إبعِد وإنتَ عارف
إنك هاتِقضيِِ العُمر خايف
مِن القِصاص يوم الوَعيد
وعُمرَك !!!
عمرك ماهاتكون سَعيد
روح رَبِنا يهديك
بس نصيحه إليك
نَصيحه مِنيِ ليك
تِبعِد وماتِرجَعشيِ تاني
ولا تُقول إشتَقت لحَناني
إنتَ أصلَك خاين أنانيِ
وأناإنخَدَعت فيك
وصَدَقنيِِ
صدقني أكيد
إن قَد ماكُنت أحبَك
وأتَمَنيَّ أفضَل جَنبَك
أنا إتعَلِِمت مِِنَك
ماأشتاق ولا أحِِن ليك
إبعد
إبعد وفرق بين الناس
إعرَف مين ينداس
ومين إيديه تِنباس
وحاول تغير ملامحك
ربي قادر يسامحَك
وأنا مُش هادعيِ عَليك
أنا مُش هادعي عليك
روح ربنا يهديك
صفاء عبد ربه
