انقلاب
****
انقلاب ! انقلاب
احنا عاوزينه انقلاب
احنا عاشقين الانقلاب
وامَّا ركْب الشعب يمشي
تبقى تعوي وراه كلاب
**
انقلاب ! انقلاب
لمَّا اخويا ينجِّي أمي
من جوازة كات هباب
لمَا أيِّدُه تشيللي همي
تِرَجَّع الأمل اللي غاب
واسمع انك – يابن عمي –
تقول ؛ ده بيتنا في انقلاب !
انقلاب ! انقلاب
احنا عاوزينه انقلاب
احنا عاشقين الانقلاب
لمَّا صوت الشعب يعلى
تحُطْ بوزك في التراب
انقلاب ! انقلاب
**
كان كابوس ؛ والمولى زاحُه
نجَّا ” مصر “من العذاب
والجاسوس ، واعوانُه راحوا
بإيِّد ( بطل ) كُلُه شباب
لمّْ ” تعابينُه ” و سلاحُه
قالوا : بيقلب ع الصحاب !
احنا عاوزينه انقلاب
احنا عاشقين الانقلاب
احنا و ” السيسي ” اتفقنا
نقلبك زي الشراب
**
انقلاب !
انقلاب
**
طارق أبو النجا
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
