======== بقلم / أمل صيدم لا أنا مريم عشان أتقن حروف الصمت ولا رابعه عشان حبك يكون لي فرض ولا شجرة جذور عيلتي لآل البيت
ولا أنت كنت يوم كعبه وليك حجيت
كتير قالوا ما ينفعكيش
ومنه استغفري وتوبي
لكنه القلب ما طاوعنيش
صبحت البقعه في توبي
مفكرني كما الباقيين
تقول ملكي أرد آمين
ما نيش سمكة حتصطدها
بغمزة حرف في سطورك
ولا أرضي بتتوضا بلمحة
ضي من نورك
ما نيش عفريته جنيه
وحتحضرها ببخورك
مانيش هامش في كراستك
ولا هجرك حينهيني
يهون حبك على قلبي
قصاد الدمعه من عيني
أنا إاللي قلت يوم عنك
خضاري في بساتيني
لكن في يوم ما تجرحني
يهون قلبك على قلبي
ولو كنت انت ترياقي
ودمي في شراييني
ففوق م الوهم يا مغرور
وخلي كلامك في المعقول
خلاص خلصت حكايتنا
ولا عادش الكلام مقبول
===============
امل صيدم
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
