أنشأ الفنان الشاب على منصور مبادرة جديدة إظهار معالم وجمال مصر وهى تهدف لإظهار كل معالم مصر السياحية من خلال صفحته الشخصية التى بلغت 200 ألف متابع وعن تلك المبادرة يحدثنا ع نفسه وباسلوبه الخاص
ـــــــــــــــــــــ
تخرجت من كلية التجارة ومع ذلك اشتهرت بالترويج للسياحة المصرية
و بتصور وانشر دايما اظهار المعالم والجمال اللي في مصر حبا في بلدي
و في كتير طلبة كليات الاثار والسياحة والفنادق بيتابعوني ويتكلموا عني في الكلية
وبيحبوا اللي بقدمه وشايفين اني بدعم واروج لمصر سياحيا بشكل جميل
وفي صور كتير ليا اتشهرت علي الانترنت وعندي صفحتي علي الفيسبوك فيها اكتر من ٢٠٠ الف متابع
وبرضو في ناس كتير بتعرف اماكن كتير مكنتش تعرفها في مصر من خلالي لاني بحاول اروح الاماكن اللي مش معروفة عشان اخلي الناس تعرفها
واكتر اماكن لقيت الناس متعرفهاش او متسمعش عنها كتير كانت الصحراء البيضاء والصحراء السوداء و حدائق وقصر أنطونيادس ومقابر كوم الشقافة
في كمان مدرسين في المدارس بيفرجوا الطلاب علي صور من صوري للاماكن اللي بتكون في مناهج المدرسة من معالم واثار مصرية وصحاري مصر لمشاهدة صور لما يدرسون
وعملت مبادرة اظهار معالم وجمال مصر اتنشرت في الكثير من الصحف والمواقع واتكلمت عنها في التليفزيون والراديو
