ط
مسابقات همسهمسابقة الشعر

انا ابن مصر انت مين..مسابقة شعر العامية للشاعر / خالد أبو رجيلة من مصر

انا ابن مصر انت مين
..انا ابن مصر ابن البلد ابن الغلابة الطيبين..
ابن اللي زارع واللي صانع
.ابن الكنايس والجوامع
.ابن الغني وابن الفقير
ابن القلوب الطيبة والادين العرقانيين
.. انا بسمة حلوة بتترسم علي وشوش الشقيانيين ..ا
نا دمعة نازله بتشتكي كل العيون المظلومين .
. انا طير صغير لسه بتعلم اطير .
. انا زرع اخضر في ارض عطشانه حنيين ..
. انا غنوه مش راح تتنسي عايشه علي مر السنيين
.. انا شجره عاليه وضلها فرشه لكل التعبانيين .
. انا مركبة امن وسلام انا طوق نجاه للغرقانيين ..
انا بابي مفتوح للي تايه ونهر نيل للعطشانيين ..
انا ابن مصر ابن البلد لكن انت مين ..
انا بدله ميري مموهه علي الحدود ساعة الاذان .
فطرت رصاص والميه في اديه الشمال والتمر في اديه اليمين ..
انا لبس زيتي في قطر حربي واسمي حربي
تصريحي كان من غير رجوع وكفني كان في البدرشين .. ا
نا اللي صورتي علي الحيطان ..
وفي الشوارع والمدارس وكل حي او ميدان ..
انا اللي صورتي علي الحيطان
. وفي المدارس والشوارع انا الجرس انا الاذان ..
انا دمي هز المزلقان صحي الشوارع والميدان .
من الصعيد لبورسعيد انا مصري حر ومش جبان ..
انا صحرا عاش فيها الامان ..
طرحت ربيع طرحت ريحان ..
بأبني واعمر من زمان
وعرقي نيل يروي الغطان ..
انا سد عالي مالوش بيبان
. وايد قويه علي اللي خان .
من غير غرور انا كل دول
. انا مصري حر ومش جبان .
انا ابن مصر ابن البلد ابن الغلابه الطيبين
.انا ابن مصر ابن البلد لكن انت مين
/ خالد ابو رجيله

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى