ط
مسابقات همسهمسابقة الشعر

انا الفلاح..مسابقة العامية للشاعر خالد الفرارجى من مصر

***انا الفلاح***
خلاصي في سواقي الموت
*******************
انا الفلاح مابين ناسي
وطعم العزة من فاسي
ولو وطني في يوم قاسي
حدانا التوت
********
زرعت القمح من شوقي
رويت الأرض بعروقي
وطعم العيش ليه ناسي
علينا يفوت
*********
ويطرح الشجر فوقي
ومنه قصور وكراسي
يابلدي امتى هتفوقي
وتبني للغلابه بيوت
*********
وقلنا بكره هتروقي
وتاخدي الفكره من راسي
وصوت العدل هتدوقي
ونشجب الخيانه بصوت
**********
انا الفلاح مابين ناسي
وشكل السوق مهش سوقي
واسمي ضاع في كراسي
غروبكم سيد على شروقي
وانا زادي بصراحة سكوت
*********
انا الفلاح مابين ناسي
جزامكم تاج على راسي
وقطني فرش لمداسكم
وانا حافي
وابني مات على حدودكم
واقول الموت قدر شافي
وقطر تاني يقتلنا
مايصرخ توت
***********

انا الفلاح مابين ناسي
عشان تكمل وجاهتكم
برستجكم ادوق الزل في بيوتكم
انا اللي طول عمري بينكم
عزابي في سجونكم على جسدي
خيوط وخيوط
وده عرف واساسي
انا الفلاح مابين ناسي
خلاصي في سواقي الموت

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى